محاجب من مطبخى 2024.

السلام عليكم
جبتلكم وصفة المحاجب اللى كامل تعرفوهم لكن كل واحد وطريقتوا
العجينة
1كلغ سميد رطب
3مغارف اكل فرينة
3مغارف زيت
ملح ونلموا العجينة بالماء
خليط من الزيت وقطعة من مرغارين التوريق ذايبة باه نحلو العجينة
ا لعجينة تكون قاسحة شوية نغطيها بكيس بالاستيكى ونخليها ترتاح نص ساعة فى هذ الوقت نوجدوا الصلصلة بصل نقطعوا مربعات نديركمية من الزيت تقريبا 3مغارف كبار كيسخن الزيت نرمى البصل الملح فلفل اسود نحركوا باه البصل مايتحرقش كنشوفوا البصل بدا يذبل نزيد طماطم مربعات كطيب الصلصلة نزيدوا الهريسة الحارة او قرن حار على حسب الذوق
العجينةنرجعوا ليها نبلها بالماء دافئ وندلكها شوية قد ماتطرى فى ايدينا. نقسمها كرات صغار وندهنهم بالزيت ونغطيهم بكيس بلاستيك باه مايديروش قشرة من فوق
العجينة وجدت. الصلصلة طابت نبداو الطياب
نسخنوا الطاجين اومقلا ثقيلة على نار متوسطة نحلوا العجينة على الرخامة او قصعة انا نفضل القصعة اجى ساير دايرعليها نحل العجينة بالزيت وقطعة من مرقارين التوريق ذايبة ونبدا نكسل فيها ونجبد بشوية من الاطراف حت تولى شفافة نثنى الدائرة عل 2 وندير الحشوة ونغلق عادى
ونطيبها من الجهتين
وشهية طيبة

ابارك فيك امولا تسلمى حبيبتى على المرور

وعليكم السلام يعطيك الصحة حبيبيتي ماشاء الله روعة جاتك
انا بالنسبة ليا طريقة جديدة وزيد دارراجلي يطيبوها ويحبوها بزاف وانا منيش شاطرة فيها
ان شاء الله وصفتك نجربها كاشما تعجبهم
في ميزان حسناتك

منورة حبيبتى ساندى ربي يهنيك
العجينة على ضمانتى بعد ادا كان سميد شباب والحشوة كل واحد كيفاه تعجبوا كاين بالطول وكاين مربعات
موفقة فى التطبيق

teslemi habibti aala el mouror bsahtek

بارك الله فيك نور جاوك روعة ممممممم

teslemi habibti oum seraj eddine wa malek t3ichi