السلام عليكم
كيف حالكن حبيباتي
اليوم حظرت لكن طبق المحاجب المختلفة والشهية لكم مقاديرها
الوصــــــــفــــــــة:
بالنسبة للعجينة
كانت نسب متساوية من دقيق العادي و دقيق الحلويات أي الفرينة و ملح و اضفت شوية من خميرة الخبز
عجنت الكل باضافة ماء دافئ
حتى حصلت على عجين لين و متجانس
تركته يختمرربع ساعة فقط
و شكلته كريات صغيرة تركتها تختمر من جديد
بعد ان غطيتها ببلاستيك كي تحافظ على ليونتها
بالنسبة للحشو
اول حاجة احتجت للفرميسال ولا دويدة كل واحد كيفاش يسميها تركتها 5د بماء غليان
و قصيتها لقطع صغيرة بعد ما صفيتها
بمقلاة وضعت كمية من الزيت بصلة و زوج سنات ثوم يعني فصوص لا تروحي تديرو زوج روس قَلِيتْهُم مليح ومن بعد اضفت لحم مرحي و قليتهم حتى دبلت البصلة و نضج اللحم و اضفت التوابل و زيتون مقطع انا استعملت اسود واخضرو بقدونس و الفارميسال قليتهم لدقيقة و تركت الحشو يبرد
بسطت كل كرية لمستطيل مع دهنها بالقليل من الزيت
و هنا استعملت خليط من زيت المائدة و زيت الزيتون
حسب الرغبة
وضعت الحشو بطرف المستطيل كما هو موضح في الصورة
ومن بعد اغلقت الاطراف
ومن بعد دورتها بشكل اسطواني
وبعدها ضغطت عليها طوليا حتى تحصلت على هذا الشكل
تبقاي تخدمي وتحطي حتان تجهزي كمية معقولة منهم كما هو موضح في الصورة
ومن بعد تقرصي حتان تتوزع كمية الحشوة على كل العجينة راكي تحسي بيها ونتي تقومي بالعملية تتوزع بالتساوي
نقوم بتسخين مقلات انا اكتفيت بمقلات ليكراب
ونضع عليها المحجوبات الدائرية بهذا الشكل
ثم نقوم بتقليبها على الطرف الاخر
وهنا تقريبا نضجت
وهذا هو الشكل النهائي
اتمنى ان تنال اعجابكن عزيزاتي
اني ديت وحدة
و الطريقة هدي جديدة عليا
بارك الله فيك و جزاك خيرا
يعطيك الصحة
شكل جديد وهايل
يسمى درتيها كيما الملاوي يخي هكا يسموه تاع الغرب
يعطيك الصحة
ربي يخليك اختي .
اممممممممم عفسة جديدة تاع الفارميسال والشكل متحوووووف الله يبارك …جاري التجريب إن شاء الله
لا حرمنا جديدك يا حرّة الحراير
نجربهم و نحطلك صورهم ربي يحفظك و يعطيك الصحة يا الشاطرة
