السلام على الجميع ان شاء الله الاحوال بخير:re_gards:
– اليوم جبتلكم كيكة بحشوة التفاح خفيفة و لذيذة جدا ان شاء الله جربوها و تستمتعو بمذاقها
المقادير
– كاس متوسط سكر عادي
– كاس متوسط زيت
– مغرف صغيرة معمرة لفاني
– 4 حبات بيض
– باكي و نصف خميرة كيميائية
– رشة ملح
– فرينة حسب الطلب
للحشو
– 2حبات تفاح
– حبة ليمون
– رشة قرفة
– 2م.ك سكر عادي
– 1م.ك ماء زهر
الطريقة
– اول شيء نحضر الحشو نقشر حبات التفاح من بعد نمسحها بالليمون باش ماتدي اللون الاسود ندي صحن و نسكرفج حبات التفاح من بعد نضيف عليها القرفة + سكر+ ماءالزهر و نخليها على جهة
– ندي اناء ندير فيه حبات البيض + لفاني و نبدا نضرب بالخلاط الكهربائي و مع مواصلة الخلط دون توقف نضيف السكر من بعد نزيد الزيت
– نطفي على الخلاط و نضيف كمية من الفرينة مع الملح و الخميرة الكيميائية و نغربلهم مع بعض فوق الخليط و نحرك بواسطة فوي من الاسفل الى الاعلى حتى نتحصل على خليط مايكونش جاري بزاف و مايكونش ثقيل بزاف عادي
– ندي مول بعدما دهناه بالزبدة و رشيناه بشوية فرينة نفرغ فيه نصف الخليط و ندير التفاح المبشور من بعد نعاود نغطيه بالخليط المتبقي
– ندخل الكيكة لفرن يكون سخن من قبل على درجة حرارة متوسطة و تكون موضوعة في الرف الوسطاني
– بعدما طيب من الاحسن اقلبيها على غربال او مشبك نتاع الحديد و خليها تبرد من بعد زينها بسكر رطب و خطوط من شوكولا السوداء
– وهذا شكلها النهائي :rolleyes: بالصحة و الراحة عليكم
ملاحظة
-من الاحسن استعمال التفاح الاحمر يعطي ذوق اروع
اي استفسار انا في الخدمة حبيباتي :heh:
اي استفسار انا في الخدمة حبيباتي :heh:
تسلم الايادي حبيبتي جاتك روعة
امممممممممممممممممم
هايلة
احلى تقييم من عندي
++++++++++++++++
هايلة
احلى تقييم من عندي
++++++++++++++++
هايلة اميرة بارك الله فيك مميزة دائما
يعطيك الصحة جاك هايل احلى تقيييم ليك
باينة راهي تشهي يعطيك الصحة
heer:heer:
heer:heer: يعطيك الصحة،،
الف شكر
الف شكر
تبارك الله عليك بالصحة و الهنا
احلي تقييم
احلي تقييم
