كويــــــرات العدس من مطبــــــخي 2024.

سلام لبنات
جبتلكم وصفة كويرات العدس ان شاء الله تعجبكم رغم انها تبان ساهلة لكن
ماشي بزاف الي يتقنوها وجيهم خفيفة

المقادير
4 حبات بصل كبار
5 سنينات ثوم
كمية معتبرة من الحشاوش-نعناع -كرافس-معدنوس-كزبرة
ملح -فلفل-كمون-كاس زيت-ماء-شوية هريسة حسب الذوق
2 ونصف كاس السميد
وممكن اضافة قليل من طماطم المصبرة

نفرم البصل والثوم ثم نفرم الحشاوش فالخلاط ونخلطهم مع بعض

ونضيفلهم السميد

نضيف الملح الفلفل والكمون ونخلط ممبعد نضيف الزيت ونخلط ايضا نبسسهم

ممبعد نبلل الخليط بحوالي نصف كاس ماء حتى نتمكن من تشكيل كويرات متماسكة

ونضعهم فالكسكاس لمدة لا تقل عن ساعة ونصف

وتأكل مع العدس

وعليكم السلام
خرجتلك هايلة وعجبتني بزاف الوصفة
ان شا ءالله نجربها
يعطيك الصحة اختي
سلامي

اقتباس المشاركة الأصلية كتبت بواسطة أسير نفسي لذيذ جدا سلمت يمناك

شكرا على مرورك اخي

اقتباس المشاركة الأصلية كتبت بواسطة ساندريلا زماني وعليكم السلام خرجتلك هايلة وعجبتني بزاف الوصفة ان شا ءالله نجربها يعطيك الصحة اختي سلامي

اهلا عائشة ختي
الله يخليك ان شاء الله تجربيها وتخرجلك مليح
يعطيك الصحة

اقتباس المشاركة الأصلية كتبت بواسطة ibtesem سبحان الله هدي الوصفة كيما عند القبايل اسموها تيكوربابين وانما هوما مايفورهاش يرموها مع مرق تاع لعدس تجي هايلة بصحتكم اختي شهرزاد نجربها ان شاء الله

صح ايه هيا بالذات حنا تاني مرات نطيبوها مع العدس
نسيت باه نقولكم هاد الطريقة وتخرج هايلة كيما قلتي
وكاين تاني بالعجين هادي روعة ان شاء الله مرة اخرى نحطها
الله يسلمك يعطيك الصحة
نورتي كي العادة

اقتباس المشاركة الأصلية كتبت بواسطة narjes81 وصفة جديدة عليا بصح تبان هايلة يسلمو نجربها ان شاء الله بصح عجبتني كما قالت ابتسما نرميها فالعدس

ايه كاين مايعرفوهاش علابيها حطيتها
الطريقة تاع طيبيها مع العدس تان هايلة
ان شاء الله جربيها وتعجبك
نورتي ختي نرجس

شكرا ليك