بسم الله نبدا.كيما تعرفو الاعراس تختلف من ولاية لولاية وحتي مندائرة متل عادات ولاية جيجل وحدها وعادات الميلية وحدها معلومة الميلية ماشي ميلة نبداو نمتل بعرس اخي عجبتو طفلة نروحو نطلبوها ندي ماما.بابا واختو طبعا انايا.ندو باط قاطو حلوة وندخلو .الطفلة هي لتجيب القهوة اداعجبتنا نعطوها الدراهم ونتفاهمو وقتاش نديرو الجرية او الخطبة.يوم الخطبة ندو المعازيم والخاتم وقورمات الويز وبياس يحطلها الخاتم.وتم تبدل وتلبس القطيفة نحنولها ونحطو القورمات تاع الدهب وتحني علي زوج لويزات وندو فليزة معمرة قش كلش زوج حوايج هدا كل بعد ما تقهوينا وكلينا القاطو وشطحنا .اما الرجال ندو الامام ونفتحو ونتفاهمو على الشرط درك راهو عشرين مليون كلش الدهب.الصوف نهار تيجي تعقد في البلادية تيجي تغدا ونعطوها عشاء الدار حوالي خمسمئتلف..نهار العرس يوم التلاتا ندو لعشا الكبش.شكارة دقيق.بدون زيت.طمينة بيضاء طماطم.زبدة.لما نوصل تقهويناوندبحو الكبش ونكلو لفاد ونجيبو القلب تاع الكبش ونجيبو الشورة لازم لمطارح تاع الصوف.نحاس.تبديلة وكون متجيبش يضحكو عليها كيما صار في عرس جات عروسة من الشلف جابت مطارح البونج مسكينة هده عدتها اما حنا داروها……… تاني يوم الاربعاء مساء نروح نحنيو .ونحطو الدهب ونحنيو ونعطوها دراهم الحفافة.ونجيبو لاغوب بلانش علابلكم لعريس هو ليكريها تالت يوم لعريس يروح الحمام يوجد روحو ويلبس ومساء ندو الكورتاج ولما تخرج يعطي لاخوها الدراهم وتخرج تحت جناح باباها نحوس بيها وندوها لاصال نقهووها وتبدا في لاباس التصديرة تم ترجع لاغوب تم تعشاو العشاء ناس الشرق.شربة فريك.شطيطحة لحم.زيتون.وشسلاطة مسيدوان.وشخشوخة مبعد نوجد الحني نخرج القاطو والقازوز.ولابياس وتحني لعريس امو وتبد التبراح ونساء تزغرد متل ساندريلا مليون يكتر خيرها ونساء تولول يوووووووووووووووو.تم نفرق القاطو ونشطحو علي انغام محمد الميلي علالوش.وسفيان كريستال وفوزي بوشويط الحامي.ويدي لعروسة اما الي فندق اودار يوم الجمعة تجيب العروسة الغدا من جاج محمر.وشربة بيضاء وخبز الدار وسني بقلاوة. واحنا نديرو الغرايف والرفيس ونتغداو ونتقهواو ولما تروح ام العروس نعطوها مليون تاع الزيارة لازم والعروسة تاعنا متخدمش سبعة ايام وهي تلبس وترقد حتي يوم الجمعة نديرو الشرشم اي قمح وحمص وبوخبوز صوص بيضاء وسلاطة والغرايف ولازم تبلو العروس بيدها وفي المسا تبدا الطيب طيابها سبع ايام وهي توري زين خديك درك تورينا خدمة يديك.نسيت احنا في الضرق لازم نشوفو قمجة الصبحات.هده عرسنا خطرة جاية نحكو علث عرس اختي
ربي يدوم الأفراح يا رب في كل بلاصة
ربي يكمل ان شاء الله
الله يقدر عرائس الميليه علي كف اخ العريس في اليوم السابع نهار تحزم لحزام …..!!!
و نكهة عادات الاعراس تختلف شكلا وتقترب مضمونا في رقعة جزائرنا الشاسعة
و بطبيعة الحال فالاعراس في منطقة الميلية لها طعم ونكهة خاصة
شكرا لك على الموضوع
بارك الله فيك على المجهود
ننتظر منك دوما كل جديد
مع تحياتنا وكل تقديرنا و خالص شكرنا
