وعملتو اليوم وقلت نصورو باش الناس لي حابة تعمل ريجيم تستفيد منو ولو انو سهل تقريبا يشبه حريرة الخضرة أو البويون
المقادير:
6حبات بصل
2حباش فلفل حلو
3حبات طماطم
3جزر
علبة فطر او شومبينيون
ربطة كبيرة كرافس
نصف راس كرم
ربطة كسبر
القليييل من الملح والتوابل نتي حرة
انا حطيت الكركم لانو مليح للمعدة وفلفل احمر واسود حبيتها شوية حارة
أولا تقطعي كل الخضر قطع صغيرة اولا البصل معاه القليييييل من الزيت وتخليه يذبل فوق النار مليح ولما يذبل حطي فوقو كل الخضر وحدة وحدة مقطعة قطع صغيرة ونتي تخلطي على نار متوسطة ثم 12كاس ماء كما في الصور
ثم نصف رأس الكرم والكسبر وتمرقي بـ 12كأس ماء وتخليهم يطيبو فوق نار متوسطة ساعتين
بعدها أطحنيهم في الخلاط أو الميكسور وهادي النتيجة
شهية طيبة
والآن نحطلكم ريجيم حساء الكرم
اليوم الاول :
حساء الكرم من 3الى 4مرات في اليوم وحدوو
بدون خبز وبدون حليب الصباح ولا العشية فقط القهوة أو شاي بدون سكر
مع فواكه مع الابتعاد على البطيخ والموز
اليوم الثاني:
حساء الكرم مع الخضار على البخار أو سلطة خضراء أو السلق وابتعدي عن الحبوب
اليوم الثالث:
حساء الكرم وخضر على البخار وفواكه بدون بطيخ أو موز
اليوم الرابع:
حساء الكرم خلال اليوم مع 8حبات موز و حليب خالي من الدسم
اليوم الخامس:
ستاك لحم أو دجاج أو سمك بدون شحوم
و8حبات طماطم مقطعة يمكن أن تخلطيها بالطون الي بالماء يعني لي مش لي بالزيت
والحساء مرة واحدة في اليوم
و8كؤوس ماء لانه هذا يوم لغسل المعدة
اليوم السادس:
من 2 الى 3ستاك لحم او دجاج او سمك مع كمية من الخضر والحساء مرة واحدة في اليوم
اليوم السابع:
أرز بني مع عصير حامض
وخضر على البخار
والحساء مرة واحدة في اليوم
تستطيعي شرب الحليب او الشاي بدون سكر
أكثري من شرب الماء خلال الاسبوع
تمنياتي بدوام الصحة
رح نجربوه هاذ الاسبوع بحول الله
عفاف وعلاش مقلتيش
باركالله فيك روز على الوصفة
بالتوفيق للكل
|
اهلا بسومة
واش نقول ما فهمتكش:o_o:
شكرا ام ندى طعمو تقريبا كما البويون وشنو خاثر شوية
عفوفة اليوم راني بديتو اذا جاب نتيجةسريعة رايح نقلك عليه
ابتسام البركة فيك نتي وكوثر وريتوهلي ودرتولي الكوراج
