طارطة مالحة 2024.

السلام عليكم
هذي الطارطة شفتها عند واحدة صاحبتي من نهار شفتها وكل يوم نقول نطبقها بصح ماعنديش وصفتها
جربتها بعجينة خبز التوست جات شوي ثقيلة مش كي لي ذقتها وكي شفت الرولي المالح تاع ابتسام هزيت فكرة العجينة منو
هذي صورة الطارطة الاصلية مع حفظ جميع الحقوق

مالا ياسيدي قلت ماتحلها غير الجينواز المالحة
درت 4 بيضات
فصلت الصفار عن البياض
خفقت الصفار مع 2 م ص سكر
والبياض مع رشة ملح
وزوج كيسان فرينة اضفتهم بالتناوب مع البياض
و 2 كيس خميرة حلوى

وهنا بعد ما طابت

قلبتها ونحيت الجزء المنفوخ باش نتحصل على قاعدة مستوية

قسمتها على اثنين

حشيتها بصوص طوماط مخلطة مع تونة

وزينتها بالمايوناز تاع لبطاطا للاخت الغالية ام لميس وموح الله يذكرها بخير
وتقدري تغلفيها بجبن سائل بوك ولا كيري

وزينتها بالجبن المبشور

وحطيتها تتماسك في الثلاجة

وتقطع وتقدم

هايلة هايلة يا ام ندووووووووووش واش نقول الله يحفظك
يعطيك الصحة

اممممممممممم ياندوشة هايلة هايلة وتليق للعرضات تحمر الوجه ربي يحفطلك هدوك اليدين لي يخدمو الحرير

يعطيك الصحة يا الشاطرة

مممممممممممم شكلها يدل على بنتها
واش داني ندخل اليوم للمة هههههههه قضيتو عليا نهائيا راح الريجيم (جعت )
بصحتك دودوشة فنانة كي العادة

مممممم هااااااااااااااااااااااااااااا ايلة يعطيك الصحة

جاتك روووعة

ماشاء الله تبارك الرحمان حبوبتي تعرفي ولا في الاحلاااام راكي شااااف من لكبار ان شاء الله نجربها اول ماتصحلي فرصة
حقة كان تلقاي ام لميس وموح سالي عليها وين راااحت خخخخخخخخخخ
عندي شوي اسئلة تطفلية نبعثهملك في الخاص هذه للقرعاجية

اقتباس المشاركة الأصلية كتبت بواسطة ندى الورود هايلة هايلة يا ام ندووووووووووش واش نقول الله يحفظك يعطيك الصحة

مرورك الهايل ندود ربي يحفظك

اقتباس المشاركة الأصلية كتبت بواسطة ام بسومة امممممممممم الله يبارك عليك تشهيييييييييييييي

شكرا ام بسومة نورتيني

اقتباس المشاركة الأصلية كتبت بواسطة prncess fifi اممممممممممم ياندوشة هايلة هايلة وتليق للعرضات تحمر الوجه ربي يحفطلك هدوك اليدين لي يخدمو الحرير يعطيك الصحة يا الشاطرة

فيفي يا فيفي عدت نسنى في ردودك بفارغ الصبر غمرتيني بلطفك
الله يحفظك حبيبتي

اقتباس المشاركة الأصلية كتبت بواسطة ألاء الرحمـــن مممممممممممم شكلها يدل على بنتها واش داني ندخل اليوم للمة هههههههه قضيتو عليا نهائيا راح الريجيم (جعت ) بصحتك دودوشة فنانة كي العادة

الله يسلمك ياسو
ربي يحفظك ويناولك ما في بالك يا رب

اقتباس المشاركة الأصلية كتبت بواسطة angel مممممم هااااااااااااااااااااااااااااا ايلة يعطيك الصحة جاتك روووعة

مرورك الاروع انجل ربي يحفظك اختي

اقتباس المشاركة الأصلية كتبت بواسطة ═♥° شجـ الروح ـون °♥═ الله الله عليك عفاف التارتة راح تنطق تسخف ممممم ربي يبارك خيتي فحلة وعليك الكلام يا خيتي بالصح واش نقولك زعمة رانا نريجمو بالصح واحد الوسيويس صغير راه يكبر غير بالشوية راه يقولي روحي طبقي واتمتعي والله لا نقص غرام هههه يعطيك الصحة خيتي يسلمو الايادي

هههههههههههه قالولي راكي زينة روحي روحي طبقي والجمال جمال الروح
الله يسلمك نتي ولي في توقيعك نحبكم لانو ماكانش لي عرفكم وماحبكمش