هدا اول موضوع ليا كنت نشوفكم غير من بعيد عجبتني لمتكم و نصايحكم لبعض و الفتكم قلت ولله غير نطرح عليكم مشكلتي بلاك تريحوني مكانش ليمن نحكي و دارنا لوكان يسمعو يقتلوني 
مشكلتي هي قريب نزوج و كلشي نورمال مي كاين حاجة مخوفتني من راجلي لي هي عصبيتو الزايدة عن حدها مرات يكون كي لعسل 
و مراااااااااات يا لطيف – عندو عقلية كي يلصق في كلمة ولا راي صايي ما يبدلوش والو ما يحملش المناقشة لدرجة وين يخبط و لا يكسر اي شي قدامو كيما مرة رمى سنيوة الغدا كاملة كسرها على هدي نبقى نتخيل في معيشتي معاه للقدام و نخااف نقول ااواه نبطل و ما نكدبش عليكم نايفو تاع 
الصح مي صح صح حتى ل 3 يام على الاكثر ما نحملش فراقو هدة مدة 8 سنين و حنا كيف كيف مشي حاجة ساهلة نسمح نرجع و نقول معليش كيما تقول يما مشي كامل الناس هانيين الكمال لله و نتفكر كلشي مليح فيه
علابالي طولت عليكم سمحولي بصح كاين غي هنا وين نفرغ قلبي قلت بلاك كشما نلقى منكم شي حل رب يحفظكم
اولا اهل بكي في منتدى اللمة اتمنى ان تستمتعي
و ان تفيدي و تستفيدي غاليتي
و الان ندخل في الموضوع
الحل الوحيد هو الاستخارة و اطلبي الله كل ما هو خير لكي ثم اقصدي و الله هو يعلم ماهو خير لكي
و عسى ان تكرهوا شئ و هو خير لكم
حبيبتي انا رائي ان تبتعدي عنه لانه عصبي جدا كما وصفتي فهو سياثر عليكي و لا تنسي انه سيكون لكي اطفال
كيف سيتعايشون مع هذا الوضع ابعدي الحب عن نظرك و توقفي عن الفكير بقلبك
بل خذي الامر بصرامة و فكري بعقلك حبيبتي الزواج ليس امر سهل هذا مستقبلك هذه حياتك وحياة ابناءك
فعصبية الاب ستاثر عليهم بالتاكيد و لا تستطيعين ان تظمني ما قد يحصل بعد الزواج
لذلك انصحك ان تبعدي فكرة الحب و فكري بعقلك جيدا ومستقبلك
و لا تنسي ان تستخيري فهذا الحل الافضل الذي ساعدني في تخطي كل ترددات التي مررت بها
اسال الله ان يوفقك و اتمنى لك حياة سعيدة انشاء الله
اتمنى اني افدتك و لو بالقليل
و شكرا…………..
لعله يتصرف أمامك بهذه الطريقة ليقنعك بطبعه في المستقبل
لا تنسي أنك المرأة و بيدك الحل الذي تريدينه
عندما تتزوجين عوديه على طريقتك يوميا و لا تتركي له مجالا لا للعصبية و لا لكسر شيئ و لو فنجانا
من أول يوم زواج قومي بتعويده على نظام معين دون أن يحس بذلك
حافظي على هدوئك حين ترينه غاضبا و ابتعدي عنه و لا تحاولي مناقشته أبدا و انشغلي بعمل ما بعيدا عنه حتى يعلم أنك غير مهتمة لذلك سوف يعيد حساباته الفاشلة و يعتذر منك .
داومي على هذه الطريقة و حافظي على حياتك الزوجية بالقيام بواجباتك دون إهمال لحقوقك ستسعدين بحول الله
تمنياتي لك بزواج سعيد و حياة هنيئة و لا تنسي أن تخبرينا بعد الزواج إذا نجحت في تغيير زوجك .سلام
خخخخخخخخخ قتلتيني ضحك نقولك حاجة بانية تحبيه وتموتي عليه املا اخطيك نورمال عصبية في رجال الكل وهاديك حلاوتهم هههههه
ربي يوفقك و يسعدك
اختي انا حسبت حاجة كبيرة لقيتها غير مشكل الحل تاعو راح يكون عندك ان شاء الله
اختي كامل الرجال او معظمهم هكدا يحبو يفرضو رايهم و يبينو رجةلتهم خاصة امام الزوجة او الخطيبة
انا راجلي تاني عصبي ميخلينيش حتى ناقشو في امر بصح نسكت و نخليه غير وحدو ينفذلي طلبي هو يقلي كي نقلك لالا اسكتي و خليني متلصقيش في الموضوع و غير وحدي ندلك واش تبغي و صحيح واش يقلي
مرات نقلو ديني لكاش بلاصة يقلي لالا نسكت و نخليه حتى وحدو يقلي ايا تروحي ولا نقلو شريلي حاجة يقلي مش اليوم نسكت حتى نلقاه جابهالي
الراجل تقتليه بالسكات و راح تشوفيه يتبدل
اياكي تزيدي عليه وقت لي يكون عصبي
ربي يتمملك بخير
أولا أختي الاستخارة هي اول وآخر حل ستبدد حيرتك بإذن الله.إن رأيت بعد اقامتها انك مرتاحة له فافهمي بأن لكن انسان عيب وهذا عيب خاطبك
الحل بيدك اختي..بدل الغضب واثناء حديثك معه ادخلي مواضيع هادفة بحديثكما
مثلا طريقة معاملة النبي صلى الله عليه وسلم مع زوجاته وعلقي عليها قائلة" بأنك تعشقين الرجل صاحب المعاملة اللبقة والرجل الثقيل وانك تجدين هذه الفات فيه حتى لو كانت كذبا صدقيني حتى لو طال الامر فسيحرص على ان يكون ذلك الرجل من اجلك…ولاتنسي الدعاء بصلاتك له ولكما معا بأن يسخره الله لك ويكون نعم الرفيق في الدنيا
دعواتي لك حبيبتي
تقبلي مروري
طيف الشتاء
احنا النساء عامة كي نصادفو مشكل ولو كان صغير نفكرو في أسهل الحلول على الرغم من أننا المتضرر الاكبر منها
رح نسقسيك: رح تكوني مرتاحة لو بطلتي؟
انتي لو ما كنتيش تحبيه وحابة تعيشي معاه حياة هادئة ما كنتيش رح تفكري في حل لهاد المشكلة
انا تاني راني نعاني من خطيبي من نفس المشكلة هو بطبعو يحب يفرض رايو وما يحبش يناقش المشكلة خاصة كي يكون هو الغالط وما ينفع معاه لا أسلوب الحوار الهادئ لا والو
وكيما قالت الاخت امينة أسلوب الصمت هو الحل خاطر هاد النوع من الرجال العصبيين كلما تعانديهم ولا تغاننيهم رح يتأزم الوضع وممكن توصلي لامور لا تحمد عقباها
وانا جربت هاد الاسلوب ونفع جداا بالعكس يولي يدير فالمستحيل باش نرضى
الحياة الزوجية تستحق التضحية ومش سهلة كيما يعتقد البعض كي تكوني في دار باباك زي مهما تتقابدي معاه ويعصب عليك تبقى هدرة فالتلفون والبعد يلعب دور
مي كي تكوني معاه تحت سقف واحد رح تختلف الأمور وكلما تعانديه أكثر رح تخسري في لافار
المراة بطبعها الهدوء والحنانة مهما يكون زوجها معصب تتعامل معاه كأنثى هادئة تصمت وتحاول تهدأ
وهو رح يقدر هاد الشي بعيدن
اما إذا كان هو يعيط وهي تعيط المشكلة مراحش تتحل ورح تتأزم وتزيد المرأة طيح من عينو
هادا ما نقدر نقولك وربي يوفقك
اختي مادام صبرتي معاه 8 سنين كاملين وتانيك تحبيه علاه متقدريش تكملي و علاه راكي متردردة هو هذا هو طبعو حاولي تسايريه وبالاك يتبدل بعد الزواج بزاف كان واعرين وعصبين قبل الزواج ومبعد تبدلو ونشاء الله كيشوف ولادو قدامو راح يتبدل و ناكدلك مكانش لميتبدلش بعد الزواج
وربي يهنيك ويسعدك
