السلام عليكم
جبتلكم اليوم حلويات عرس اختي ربي يهنيها ولعقوبة لكل الاخوات العازبات
مقروظ النقاش
بقلاوة بالجوز واللوز
كعيكعات باللوز
غريبة بالبيستاش
حلوى النيسكافيه
لحلوى النيسكافيه اليكم المقادير:
250غ زبدة او مرقرين،نصف كاس سكر رطب،بيضة،ملعقة كبيرة يسكافيه مذوبة في شوية ماء ساخن ونخليها تبرد،ملعقة كبيرة ونصف كاكاو،نصف باكي خميرة،نصف كاس نشاء،فرينة
الكريمة:
100غ زبدة،ملعقة كبيرة نيسكافيه مذوبة في ماء ساخن ونخليها لاطبعا تبرد شوية،ملعقة كبيرة كاكاو،3ملاعق كبار سكر رطب،2ملاعق كبار عسل نخلطهم مع بعض حتى نتحصل على كريمة.
نخلط جميع مقادير العجينة تدريجيا ونشيح بالفرينة نشكلها بالطابع قلب،داائرة،مثلث… وكطيب خليه يبرد ولصقي زوج حبات بالكريمة ومن الافضل كتكملي حطيهم في الثلاجة شوية خاصة اذا كانت درجة الحرارة مرتفعة من بعد اغطسيهم من فوق في الشكولة لتكوني ذوبتيها مع الحليب على حمام مائي وحطيهم على مشبك يقطرو وخليهم يشيحو وتحبي تزينهم بخطوط الشكولة والملمع انا استعملت الملمع الرقيق.
حلوى الصدفة
هنا كحطيناهم في لي بوات والمقروظ حطيناه وحده.
حَلويآآآت رآآآئعــة
يعطيكم الصحة
ربي يهنيهآ ولعقوبة لذرية الصآلحة
امم ممكن لاغوسات تاع حلوة النيسكافيه
قاطو هايل
يسلمووووووووووو
الله يهنيها يارب
وربي يزيدك من فضله كل شي مبروووك لختك ربي يهنيهآ
حبوبة ممكن وصفة حلوة النيسكآفيه
ومرسي بزآآآف على مشآركتك لينآ أطبـآقك
احلى تقييم من عندي
وكيما قاتلك اسماء ممكن وصفة حلوى النسكافيه
القاطو راه يبان شباب بزااااااااف انا كامل في هدوك نبغي المقروط
بصحتكم العرس وان شاء الله في عرسك نجي ناكلو salaaaaaaam
بالنسبة لحلوى النيسكافيه ضرك شوية ونعطيكم الوصفة باذن الله.