هاد المرة قليت البادنجان قبل مانحشيه وجا المداق خير من اللي عملتو المرة السابقة في الفرن
المهم نخليكم مع الصور ونتمنى تجربوه لانو فعلا رائع ويصلح للعرضات والعزومات انا عملتو للغدا مع سلاطة وبطاطا مقلية واي استفسار انا في الخدمة
ماتنساوش تعطوني رايكم راني نستنى
المكونات
بادنجان +فروماج وممكن تتعملي لحم مفروم في مكانو +بيضة مخفوقة+فرينة+خبز مرحي او شلبلير+زيت للقلي
اولا تنقي البادنجان وتقطعيه شرائح متوسطة عدليها بالسكين حتى تولي كل شريحتين من نفس الشكل والحجم ترشيها بالملح وتخليها 5د حتى تطلق الماء تنشفيها منو بورق ماص
تقليها في الزيت من غير ماتتحمر وتحطيها على ورق ماص حتى تبرد
تاخدي شريحة تحطي فيها قطعة من الفوماج انا بصراحة كل اطباقي نستعمل فيها جبن باربار فعلا روعة او تحطي حربوش من اللحم المفروم حسب الرغبة وترولي حتى يولي شكل سيجار
مرغديه في الفرينة مليح خاصة الجوانب
ثم في البيضة المخفوقة مع شوية ملح
ثم في الشابلير
او ديري طبقة من الجبن او اللحم المفروم فوق شريحة البادنجان
غطيها بشريحة تانية من البادنجان
مرغديها في الفرينة ثم البيض ثم الشابلير
اقليهم في زيت غزيرة وحطيهم مباشرة فوق الورق الماص
قدميهم مع سلاطة او بطاطا مقلية ولا حسب الرغبة
شوفو الشكل من الداخل والجبن دايب اممممممممممممممم طعم لا يقاوم
راني نستنى تقييمكم
هبلتينيا بأطباقك الشهية
يانينا اختي
ويممممممممممم على البذنجان رولي
خرجلك روعة
تسلم الايادي وشكرا على الوصفة
|
هههههههههههههههههه تفضلي ذوقي من اللي يعجبك اختي
انشاء الله تجربيه وتقوليلي رايك
يعطيك الصحة
االله يعطيييييييك الصحة اختي
~~~~~~~~~
اكيييييد نجربواااا وردلك لخبر
~~~~
++++
تقيييييم
