المقادير
4 علب فرماج كيري اللي فيهم 6 حبات او 2 علب اللي فيهم 12 هاهو شكل العلبة يعني كلش كلش 24 حبة وتلقاو علبة فيها 24 متقولوليش يزاف رانا نخدمو في تشيز كيك ولازم يكون الفرماج هو المكون الرئيسي ومتخافوش مش راح يفسدلكم الطعم الكيري يمشي مليح مع السكر لدرجة وين يبانلي بلي الكيري يتكل في الحلويات افضل من الموالح
كاس و نص كريم فريش سائلة راهي متواجدة في الاسواق نعطيكم بعض الامثلة هاهي
كاس و ربع سكر عادي
نص كاس عصير ليمون
مغرفة كبيرة قشور ليمون
4مغارف كبار كريم شونتيي باه الكريمة تحكم روحها ومنستعملوش الجيلاتين تجي خيييير
اذا شفتو الكريمة مهيش متماسكة مليح ضيفو مغرفة اخرى كريم شونتيي هنا الكريم شونتيي باه نتحكمو في تماسك الكريمة نتاعنا
الكيكة
جينواز عادية تكون برك رقيقة اخدموها ب4 بيصات راح تكفيكم
التحضير
نخلطو كل المقادير ماعدا الكريم شونتيي و نخلطو ملييييح بالباتور ولا البيتران مدة 5 دقائق راح تلاحظو بلي الكريمة بدات تتماسك نبداو نضيفو في الكريم شونتيي ونخلطو راح تتماسك الكريمة متجمدوهاش بزاف كي تعود كيما الميرانق شوفو
نحطو الكيكة نتاعنا في مول متحرك يعني يتفصل السفلي وحدو والجانب وحدو نحطو الكيكة نتاعنا نشربوها بسيرو خفيف منكه بالقارص ونصبو فوقها الكريمة نتاعنا و مبعد نديرو فوقها طبقة من كريمة الليمون
مقاديرها
نص كاس ماء
مغرفة ممسوحة نشا
نض كاس سكر نخلطوهم مليح مع بعض ونحطوهم على النار حتى يتماسكو شويا وتشوفو اللون بدا يولي شفاف شويا نحيوهم على النار ونضيفولهم
2صفار بيض
وعصير حبة قارص
ونعاودو نقلبوهم على النار مع التحريك مدة دقيقة او 2 ونحيوهم على النار ونضيفولهم مغلرفة زبدة فقط
صبيها فوق الكريمة نتاعك واعملي خطوط بالشيكولة وزينيهم كيما الميلفاي او
اختاري اي طريقة تزين انت حرة
انا هنا نحيت شويا من كريمة القارص و درتلها الكاكاو وزينت بيها
الافضل تخليها في المول ليلة كاملة وغدوا تاكلوها بالصحة والهنا
اختي انريس جاتك رووووووووووعة
يعطيك الصحة
بصحتكم
شكرا بزاااااااف على المرور العطر
يا احلى حبوبة
يعطيك الصحة حبيبتي
ليك وحشة والله
جربيه راهو امممم يهبل واش نقلك انا ملقيتش الوقت باه نضورو بعد مقطعتو والله كلاوه طول
تشيز هايلة وتاني غير مكلفة ان شاء الله نجربها
ما شاء الله شكلو يشهي
بصحت شكون كلاه ههه
بارك الله فيك اسومة
|
والله يا سامية الموضوع راهو تحط على جالك
مكنتش رايحة نديرو موضوع هههههه
سيرتو كي مصورتوش كي تقطع ووو… هاكي تعرفي
المهم جربيه واقلبيلي الخبر يجي يهبببببل
|
ههههههههه فتيحة شكون كلاه؟؟؟
محمد و انريس و ماما وبابا و ختي مرية واختي مروة و 2 صحاب محمد ههههههه هاني مديتلك الرابور
استناي حبسي نسيت مسميتش روحي هههه انا تاني كليت قضينا عليه سير بلاص المغبون
قطعتو بالمول الدائري وزينتو بترونشات قارص من فوق وبقاو لي شيت والله كلاهم بابا مسكين كي جا يدي لبنات هذاك علاه لحق هههههه خيرمن والو
ومبعدا جا محمد يجري خليلي شويا لما وبابا ههههه قتلو فراوها ماليا وصحابك
باينة هايلة
