تحلية امممممم سهلة وبنينة 2024.

السلام عليكم ورحمة الله وبركاته
اليوم راني برونشيت مع رمضان تفكرت واحد التحلية نموت عليها واكيد راح تموتو معايا عليها ههههههههههههههههه
احكمي كاس سكر ذوبيه على نار مهيلة مليح وطولي بالك معاه باه ما ينحرقش ويمرمرها
ومن جهة سجي لتر حليب وحطي في ماعون 2صفار بيض مع 2ملعقة نشاء ذوبيهم في شويا حليب بارد ومن بعدما يتحلو فرغيهم على بقية الحليب وضفيهم للسكر اللي ذوبتيه وما حرقتيهش الفحلة
وكملي خلطي حتى يذوب السكر وتثقال التحلية تاعك
حطيها في صحون فردية وخليها تبرد مليح
والزينمة حسب ذوقك

وهاهو ليك شكلها واذا حبيتي السكر بزيادة زيدي السكر
والف هنا وشفا

ربي يخليكم لبنات على تفاعلكم مع وصفتي البسيطة
ونتمنى تجربوها
وان شاء الله تكونو فهمتوها مليح
ولي عودة ان شاء الله باه نعطيكم طريقة لتذويب السكر بلا ماينحرق

ام يعطيك الصحة نموت على التحليات في رمضان ان شاء الله نجربها

يعطيــك الصحة ~~ باينة بنينة ~~