~~~~
جبتلكم اليوم تارت بالاناناس درتها غير اليوم وجات تهبل
بلا ما نطول عليكم
المقادير:
علبة اناناس، هنا فصلت الدوائر على السيرو
4 بيضات كاملين
150غ من السكر عادي
كيس لافاني
كيس خميرة الحلوى
125غ من الدقيق
كاس صغير من الزيت 15سل انا جاتني بهاد الميزان
طريقة التحضير:
في اناء نخلطو السكر والبيض مليح مليح بالخلاط حتى نتحصلوا على كريمة
نضيفو بعد لافاني ،الزيت و الخميرة و الفرينة دون التوقف عن الخلط
حتى نتحصلو على الخليط التالي:
بعدها ندهنو المول بالزبدة دايبة وشوية فرينة، انا درت مول داير
كي نرشوه نبدو نحطو في دوائر الاناناس وحدة حدا وحدة
ثم نديرو فوقهم الخليط وندخلو المول للفرن
بعد ما طيب نخرجوهاـ نخلوها تبرد ونسقوها بالسيرو نتاع الاناناس اللي فصلناه في البداية
بعد ما تشرب السيرو نقلبو لاتارت والتزيين كل وحدة وكيفاه تحب وهذا هو الشكل النهائي
نتمنى تعجبكم
سلآم
يمممم ماشاء الله
جاتك زوينة
يعطيك الصحة اختي
تسلم الايادي
شكرا على الوصفة والطريقة
سلامي
يم يمييييييييييييييييي
ايا رقية صايي رايحة نسنيي لك شهادة الخبرة
اوووووووووووه شابة تبارك الله
مرسي على الوصفة
|
مرورك نور الصفحة
ربي يخليك
|
صحيتي ربي يحفظك
تسلميلي على المرور العطر
|
ربي يخليك
|
|
