اومليت بالقرعة من مطبخي 2024.

هذا الطبق خفيف وبنين وساهل وممكن نطيبوه للاولاد لتحبيبهم في الخضراوات
ان شاء الله تجربوه ويعجبكم
المكونات
كمية من القرعة ( الجريوات)
3 فصوص ثوم مهروسين
معدنوس + ملح + فلفل اكحل
رشة جوزة الطيب
فرماج
وممكن اضافة الطون في الاخير
بيضتان
الطريقة
ننظف القرعة ونغسلها جيدا ثم نشفها ومن بعد نقطعها دوائر بسمك متوسط
في مقلاة على نار هادئة نذوب 2 مغارف كبار زبدة ونحط القرعة المقطعة دوائر + فصوص الثوم المهروسين + ملح وفلفل اكحل

ونغطيها ونتركها على نار هادئة حتى تطلق ماها وتطرى

ومن بعد نضيفلها قطع الفرماج ونغطيها مرة اخرى حتى يدوب الفرماج ويتداخل معها

وفي الاخير نضيفلها شوية معدنوس مقطعة
نخفق بيضتين ثم نضيفهم الى المزيج

ونغطي المقلاة حتى يطيب البيض

ومن بعد تقطع وتقدم

urrender:urrender:urrend er:

يعطيك الصحة على اومليت كذلك تجي بالجلبانة بارك الله فيك

الله يسلمك اختي حكيك
واكيد بالجلبانة ثاني تجي بنينة
الف شكر على المرور الطيب

صح بنين وخفيف وسيرتو كي مانلقاو مانطيبو:heh:
شكراا حبيبتي على المرور العطر
تحياتي الخالصة عفوفة

شكرا ندوش على الطبق الهايل يواتي الربيع
ومين داك القرعة نحير واش اندير بيها غير انا الي ناكولها في الدار لا لبنات لا باباهم
نسيي نديرها لهم ةنشوف النتيجة
بارك الله فيك والله وصفة خفيفة وتبان تشهي كي نجربها نردلك الخبر

الله يسلمك سرسورتي
شكرااا

ان شاء الله تجربيها ويبدلوا رايهم فيها
الف شكر حبيبتي على المرور

راني سييت خيتو اومليت القرعة جات بنينة و خفيفة
بارك الله فيك و في كل ما تقدمينه

تطبيق ممتاز اختي
بارك الله فيك وسلمت يداك الحلوة