عندي تساؤل و قلت مكاش غيركم الي نلقىعنكمالجواب الشافي ان شاء الله
و احترت وين نحط الموضوع ..ان شاء الله تكون هاذي بلاستو و مانكونش غالطة
المهم ….
حابة نعرف كل شئ على الحرس الجمهوري …واش هي خدمتهم ؟؟ كيفاش هي وضعيتهم ..؟؟
راتبهم مليح ولا شوية شوية ؟؟
وباش نكونو باينين اكثر راني نهدر على ناس في الحرس الجمهوري عندهم بالاك 10 سنين و دخلو بلا بكالوريا
محتاجة نعرف تفاصيل فمن فضلكم الي يعرف ما يبخلش عليا ^^
راني نستى في الرد و اسمحولي
اختكم امل
مي عنهم مشكلة واحدة انه الدولة ما تعطيهمش سكن
مانيش متاكدة هكا سمعت
و الله ولي التوفيق ^^
لقيتلك شوية معلومات برك
فنجد لون السروال اخضر وقميص احمر يسمى قيمجة وبرنوس ابيض مع عمامة بيضاء ايضا وعليها رمز النبالة للفرسان
مي هاد المعلومات شفتها في النت
نحوس على حوايج وحدوخرا … و الي قلتها اميرة كانة منها ولا لا ؟؟
اما حكاية السكنه هاذي منعرف ديري في بالك لحاجه لي اكيده هي انهم عندهم تخفيضات في كل شيء
يعني ديما عندهم نسبه ناقصه كي يجي يشري حاجه لانو يخدم لصالح الوطن
اما سكن منقدرش ناكدلك والله ما علابالي
هاذي افار زواج واذا كانت زواج ديري في بالك بلي هل تتقبلي انه يكون كثير الغياب عليك
علابالك بلي مهامو فوق كل شيء
ان شاء الله تلقاي لي يعاونوك مليح انا معلماتي مش كبيره في لحرس لجمهوري
|
شوفى اختى كاين امور خاصة ميقدر حت وحد يعرفه
لزم تعرفى من كاش وحد يخدم تم
على كل حال السن في المهنة مايهمش
شوفي واش القراد تاعو " الرتبة تاعو "
إذا كان من رجال الصف : عريف و عريف أول
يسمة كابران كيمة أنقولو بالعامية و كابران شاف
يخلص حوالي 26000 دج يسمة 2 ملاين و 600
و إذا كان الرتبة تاعو ضابط صف : رقيب .. رقيب أول
من 31000 دج حتى 34000 دج
وراهم رايحين يزيدو انشاء الله لكل مستعملي أو التابعين لوزارة الدفاع الوطني انشاء الله
و الخدمة تاعهم مليحة بزاف مافيهاش ريسك قاوي
ولابليبار شابين
على كل حال المعلومات هذو أنا واثق منهم كل الثقة
سلامي
اختي انا عندي الأخ نتاعي عندو 13 يعني من 98 مستوى 3 ثانوي
الإختصاصات : يوجد العديد من الإختصاصات مثل الحواجز و الفرقة الموسيقية بالدار البيضاء و و حراسة الأماكن الوزارية و الرئاسية ….
المرتب ضئيل مقارنة بالدرك الوطني
العمل : سهل جدا يعمل ساعتين و استراحة بساعتين
يعمل يومين و يتوقف يومين
بالنسبة للمنح اللي تمنح لهم مثل البيت : بالرغم منو انو متزوج لكن ليس له الحق في السكن
مدرسة التكوين في برج الكيفان
الترشح : شروط كثيرة نوعا ما
اولها الطول
و اي سؤال انا في الخدمة
9اع ماكانش منها هذي الهدرة
علابالك ولة كان من ضباط الصف 20 .. 30 مليون معاونة للسكنة كيمة هو كيمة الشعب بلا 70 مليون تاع السكنة خاصة غير بوزارة الدفاع الوطني
سلامي
اهلا اختي
انا حضرت احدى المعارض التي تمت بالمركز الثقافي بولاية ورقلة
والمعرض خاص بالحرس الجمهوري
وهم جد محتاجين لمنظمين لهذا الصنف
حيث كنت انا وزميلي
وعندما سالنا احد الظباط عن السن قال له زميلي 20 وانا عمري 23
ايا قال نحن محتاجين لمثل هذا السن
حيث يشترط السن من 18 الى 22 او 23 اذا لم تخني الذاكرة
بالاضافة الى ان تكون تخصص علمي
بكالوريا علمي
او متحصل على احدى الشهادات العملية
وقال لنا كذلك
ايا الاختصاصات المحتاجين لها
هي الفروسية
الموسيقى
بالاضافة الى اختصاصات اخرى نسيتها
لا اعرف اين وضعت الملصوقة الاشهارية التي قدموها لنا
بالتوفيق اختي
ان شاء الله اكون قد افدتك
تحياتي
سلام
السلام عليكم جماعة ، خاصني معلومة اكيدة على الحرس الجمهوري هل بامكانهم تعدد الزوجات عادي ام ممنوع؟؟ وهل عندما يرغب الطلاق يجب ان يطلب رخصة من القيادة ؟؟وان كانت نعم كم تدوم مدتها؟؟رجاءانا في انتظار الرد عاجلا