بغيت هذا المرة نتكلم بلغة الدريجة باش نتخرج الكلمة صافية و التعبير طبيعي جدا و يفهمني حتى لي ما يحسنش اللغة …من القلب الى القلوب.
كي ما نحب الروحي ناكل بالحلال نبغي للجميع فيا ناس اتقوا الله في أنفسكم ما تبدلوش الحاجة المليحة بالحاجة الفاسدة المحرمة .مانيش نتكلم مع الي يخدمو فالحرام لالالا …راني نقصد الي ربي كرمه بالخدمة الحلال بالصح يا حصرا يخدم فيها بالحرام …راكم تتساألوا كيفاش نقولكم يا ناس الي ما يحترمش أوقات العمل كاملة يعني يتغيب و لا يهرب من الخدمة و كي تجي الأجرة يخلصها كاملة و كأنو خدم كامل الشهر….لا يا خوتي ما توكلوش عائلاتكم اللقمة الحرام راهي البركة تروح منهم و يخرجولكم شياطين …يا لي يقولو ربينا ولادنا و خرجونا عن الطريق الصحيح راجعو نفوسكم هل وكلتوهم الحلال ولا كنتو غي تخلطو ولا ما درتوش لحساب هذا …و زيد الرشوة الي يقولولها بعض الناس هدية و هي خاصة بالعمل الي راه خالص عليه …يا ناس ما يغروكمش شياطين الإنس قنعو بالقليل الحلال راه ربي يباركلكم فيه و تربحة صحتكم و صحة ولادكم و كاين طرق كثيرة كيما هادو …يا خوتي كي تشوفو حاجة غريبة فيها اادراهم يدخلو على الأقل سقسو العلماء ولا الأئمة
راح الحرام صعيب بزاف مايخرش على المؤمنين واللي راه يبالكم نورمال في الحرام ربي راه عاميه و نزعلو التوبة من قلبه و هذا راه خسر الدنيا و الآخرة .
هذي نصيحة ليا و ليكم فاتقو الله في أنفسكم إن الله يمهل ولا يهمل …..اسرعوا قبل فوات الأوان .
ديرو القلب و ديرو النيف و توكلو على ربي الله يسهل على كل محب للدين..آمين
و السلام عليكم
|
بارك الله فيكما أشكركما على الإهتمام و بالتوفيق.
