استفسار بخصوص المدرسة العليا للاساتذة 2024.

السلام عليكم
خاوتي الله يعيشكم انا ديت الباك هذا العام بمعدل 14.87وحبيت ندير مدرسة عليا للاساتذة في مادة العلوم مع اني ماديتش فيها مليح 12.5 او علوم دقيقة وانا شعبة علوم تجريبية
المهم خاوتي انصحوني ايهما اسهل والي يقرا فيها يقولي علي الامتحان الشفهي كيفاه يكون

;وصح كي نراتيو فيها يخرجونا
وشكرا خاوتي

نورمالمون يقبلوك
أنا تان راني حابيتها بصح جبت لاموايان 12.27
راني خايفة ما يمدوهاليش
أما بالنسبة للاختبار الشفوي
ما كاين والوا
أختي جوزت ف 2024
و ما سقساوهاش بزاف
يسقسوك علاش خيرتيها
و ادا راكي مقتنعة بالمادة اللي خيرتيها
و علاش خيرت التعليم
لازم تكوني واثقة فروحك كي تكوني تجاوبي
و تقوليلهم بلي من بكري و راكي تتمناي تقري هاد المادة
سلاااااام

مام أنا راني ناوية ندير علوم دقيقةو الأولوية لينا احنا الرياضي بصح لازم نقرى في الاغواط لانو انا من المدية
و سقسيت عليها الاساتذة اللي قراوني و قالولي شوي صعيبة و لازم تتعبي شوية
اما بالنسبة للمقابل الشفوية فقالي هوما راح يحاولو يقلقوك بأي طريقة بصح لازم تصبري لانو التعليم يتطلب ذلك
و بالتوفيق حنونة

شكرا خاوتي
ربي يجازيييكم ويعطيكم ماتتمناو

حتى انا حابة ندير علوم دقيقة مي مانظنش يمدوهالي .
راني مترددة سيرتو كي عادت في قسنطينة خايفة شوي ومكانش معايا بنات اللي يحوسو يديروها لضك مزلت ماسجلتش .
وانا نظن يمدولك العلوم بويسك اديتي مليح 14 .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.