دائما مع الوصفات الجديدة والحصرية جبتلكم اليوم حلوى ساهلة وبنينة بزاااااف خاصة لمحبي الكاكاو
مقادير العجينة:
250غ مرقرين،نصف كاس سكر رطب،2صفار بيض ونحتفظ بالبياض،نصف كاس كاوكاو محمص ومرحي رقيق،نصف كاس نشاء،نصف كاس كاكاو اسود،نصف باكي خميرة،فرينة
اما باقي المكونات:
بياض 2 بيض لي كنا احتفظنا بيه قبل،كاوكاو محمص ومرحي خشن،عسل، شكولة
الطريقة:
بواسطة الخلاط الكهربائي نخلط المرقرين والسكر جيدا ثم نضيف صفار البيض ونخلط ثم الكاوكاو المرحي رقيق ونحرك واخير الكاكاو والنشاء والخميرة والفرينة حتى نتحصل على عجينة تشبه عجينة الصابلي نشكل كويرات بحجم 20غ او اقل شوية نحطهم في بياض البيض ثم الكاوكاو المحمص والمرحي خشن ونحطهم في لي كيسات لازم يطيبو فيهم لاننا راح نعسلهم فيما بعد وهذا شكلهم قبل ما ندخلهم للفرن
https://
ندخلهم الفرن يطيبو على درجة180 درجة في هذا الوقت نسخن العسل ونضيف له شوية فقط من ماء الزهر لازم يكون خاثر بعد ما تطيب الحلوى نخرجها من الفرن ونسقيها تقريبا نعمل م ك عسل او اكثر في كل حبة على حسب الحجم لازم نسقيها مليح نخليها تبرد تمااااما ونزينها بخطوط الشكولة من الاحسن الخطوط تكون متقاربة تعطي شكل جميل للحلوى وهذا شكلها النهائي
https://
https://
وهذا شكلها من الداخل اممممممممم
https://
نتمنى تعجبكم الحلوى وتجربوها ولاتنسوني اخواتي من صالح دعائكن
مشكورة الاخت على الوصفة
ربي يخليك
هايل تستاهلي احلى+++++++++++++++++++++++ يعطيك الصحة
عندي وصفة قديمة كنت نديرها فيها نفس المقادير بصح ما فيهاش بودرة الكاكاو
ونعملها بنفس طريقتك طبعا بدون تزيين بالشوكولا واسمها المعسلة
وذوقها رائع