كيفكم بنات ان شاء الله بخير جيتكم بوصفة رااااائعة وسهلة وبنينة للهمبرغر
أكيد رايحة تعجبكم
المقادير :
للعجينة
500 غ فرينة سيم
10غ ملح
50 غ سكر مسحوق
كأس صغير زيت
20غ خميرة الخبز
1/2 ملعقة صغيرة محسن الخبز*مش شرط*
1/4 لتر حليب دافئ
2 ملعقة صغيرة غبرة حليب
للتزيين :
جلجلان
2 صفار بيض
الكيفية :
في جفنة حطي الفرينة والملح السكر محسن لخبز وغبرة الحليب
لأضيفي الزيت والخميرة المذابة في قليل من الماء الدافئ مش سخون حذاؤي
أعجني الكل حتى تتحصلي على عجينة متجانسة وخفيفة
خليها تخمر أمبعد عاودي اعجنيها
على صينية مدهونة بالزبدة حطي كويرات الهمبرغر حجمها حجم حبة بيض
ادهنيها بصفار بيض وذرذري عليها الجلجلان
قبل ماتدخليها للفرن تكوني سخنتيه مدة 10 دقائق قبل
اطهيها حتى يصبح لونها بني فاتح
فالحشو استعملي ألي بغيتي
أنا درت سلاطة طماطم مايونيز منزلية لحم مدوزن بطاطا مقلية وقطعة فرماج
شهية طيبة
دعواتكم
تسلم ايديك يا قلبي
ابعتيلي حقي برك
غدوة راني جاية للبليدة ههههههههههه
|
مرحبا بيك أختي
الله يسلمك مانبعتلك حقك ماوالو شمري على يديك وطيبي الوصفة عندك ههههه
مرحبا بك البيت بيتك أختي البليدة كلها ترحب بيك في ولايتك
كينجربها نحطهالك جي خيرمن وصفتك هههههههه
ربي يخلي الزينة
نتمنى يجوك أفضل وأحلى
ميرسي
سلمى كي تجي لعندي تدي حقك ههههه راكي قريبة ليا
بآين يششششهي و بنين بزآآآف ^^ يسلمووو ~
نتمنى تجربيه وترجعيلي بالخبر