هل تفضل الزواج بعد قصة حب ام زواج تقليدي ولماذا 2024.

التعرف على الحبيب في اطار محدد بعيداعن السلبيات حتى لا يسبب مشاكل عائلية شكرا على الطرح مزيدا من الابداع تقبلي مروري المتواضع

هو موضوع شائك
في رأيي حسب الاختيار وحسب الشريك وحب طريقة الحب ونوعه
صراحة انا زوجي عرفته قبل الزواج وحبيته وحبني لكن من بعيد من غير كلاااااااااااام وكي فرج ربي هدرنا واتفقنا وتخطبنا ديراكت
والحمد لله ضرك
انا في رايي مليحة المحبة كي تكون بين الزوجين ممكن تجي قبل وممكن بعد المهم الانسان كيفاش يحافظ على هاد المحبة بعد الزواج وما يخليهاش تنهار بل العكس يخليها غير تزيد وهادي تكون فقط بالصراحة والتفهم

ربي يسعد الجميع ويرزقهم ازواج طاهرة ويبعدنا ويبعدهم عن الحرام

انا افضل الزواج تقليدي تسال لماذا لان الحب قبل زواج كل منهما مابينش عادات لماهيش مليحة فيه كليهما بصح كي تزوج زواج تقليدي كل ابان شخصيتو على مباشر

انا حسب ما لاحظت في حياتي ان الناس الي تزوجو بدون حب قبل الزواج كامل نجحوا في حياتهم الزوجية اما حكاية الحب والغرام والشعر والاحاسيس الفياضة والهدايا والفضائح وكشف المستور الطالع يسمع والهابط يدي في الاخبار هذا الحب راه ملييييح اذا انتهى بزواج " مؤقت" يمكن ايام او اسابيع او حتى سنوات وتظهر امور اخرى ليست العيوب كما يكرر الاغلبية لان العيوب تظهر من اول يوم بعد الزواج وتغطى بالاكاذيب كتحدي زائف للناس وبعدها يكون الانفجار انا اشك 99% انه يكون حب فوق حب اي حب اول وحب ثاني وثالث و تاتي صدمة الحب بعد الزواج لازم يحس احد الزوجين اما الرجل او المراة بعدم تقبل الواقع الحتمي وهنا لا يموت الحب لان اصلا الحب غير موجود كان مجرد احاسيس خداعة وتلاشت وبعدها تحل ايام البحث عن المخرج من الورطة وعندي الاف الادلة الخلاصة ان الحب ماكانش منو قضية الدموع والاهات والاحزان والسهاد والاحلام والتضحية والتنازلات ماكانش منها لان الوقت تغير وطغات عليه الماديات حتى اصبح الان الشاب او الشابة يتعارفوا من اجل المادة يتعاملان بمعايير المادة لازم تكون حطة لازم نبروفيتي منها لازم تكون بنت فلان لازم لازم والمراة كذلك تشوف الرجل على اساس انو رايح يفيدها رايح يديرلها قصر قدام صحباتها راح يحقق لها كل احلامها او تصاب بمرض اكتئاب وتنتهي العلاقة بمأساة وخيمة ويروحو فيها ضحايا وهم الاطفال الي طبعا يسلكو الفاتورة غاليا شكرا على الموضوع وارجو المعذرة وهذا مجرد رأيي الخاص فقط واترك المجال مفتوحا رايي صواب يحتمل الخطأ ورايكم خطأ يحتمل الصواب شكرا.

السلام عليكم شكرا عاذلى الموضوع رائع
أنا نشؤف أنو الزواج التقليدي أحسن لانو الوقت الي رانا فيه صعيب بزاف غلى البنت وعلى الرجل و ما بقاتش النية كيما بكري و قليل اللي تزوجو كانو على علاقة .و المحبة تكون كي تكون الاخلاق والطيبة والتفاهم . ربي يلاقينا مع ولاد الحلال
أأأأأأأأأأأأأأأأأأأأأأأأأأأأأأ أأأأأأأأأأأأأأأأأأأأأأأأأأأأأأ أأأأأااممممممييييييييييييييييي يييييييييييننننننننننننننننننن ننن