اذا شفت بنت من العفاف … الذي بها و بحجابها
تجزع شياطين و تخـاف … حتى العذول يهابها
و تحدّها تلك الظروف..
قســوة أهل .. قلـــّـة صبر .. قـلـــّـة أمل
تصـرخ و تنشد مالعمل..؟
لا شمـْـل ينعـم بإلـتـمـام .. محرومه من أحلى الكلام
الأب لاهي حضرته!!
و الأخ سـاهي بسهـرته!!
و الأمّ ما منها اهتمــــام!!!
و تطيح في أنياب ذئب..
يخدعهـا بكـلمتيـن فقط .. صدّقـنـي اكثرها ليـلـتيـن
و تعـامله مثـل الحبيب!!
تتوهّـم انـّـه راح يعوّضها الحـنان!!
أو في يده أسما مفاتيـح الجـنان!!!
و لما تحسسه بأمان
يبدا يمارس لعبته
بضحيته
قـدّامي و شوف عيني … يخدع هـواهـا و تجهـل
و بكـلــّـهـا تـنـدفـع لـه … منهـا ولا شـاف أسهـل
قلــّـي ياخويا و صاحبي ..
هذا اللي شفته مو قهر..؟
قهــر .. و أمـرّ مـن الأمـرّ…
يا خويا ليت الحكاية تتوقــّف لهذي الحدود..
لا جات تصوّر نفسها و تراسله..!
أو آخـر الليل بغـرام تدلــّـلــــه..!
و الـلــي أمـــرّ مــن الأمـــــــــرّ
لا عـــــزّمـــــت بـتـقـــــابـلـــه!!
يبـداها بوسـه..تستـحي … لـكـن مـن اوّل تـجــربـه
بعـديـن تـتـعــوّد عـليـه … وهـو اللئـيـم اللـي فــرح
يجـرح كرامتـها و هـي … ما تدرك اللي هو جرح!!
حـتى يفـوت الـلي يفوت…واحساسها المرهف يموت
و مهما انتَ تنصح أو تقول…في حبها تعـدّك عــذول
والله قـهــر .. والله أمـرّ مـن الأمـرّ…
لا صارت بعمر الزهور
و من عطرها تغار العطور
والـكـل ودّه بـيـدّهــــا … يخطبها لو من جدّها
لكن هي اللي ترفضه … وحب اللئيم يردّها..!
هذا هو الحب الحرام … بالشر دوم يحدها
تبقى معه
و تصبح في حبه إمّعه
حتى لناره تتبعه
كله ضياع..!
زيف و أكاذيب و خداع
و شي ما تتوقعه
والله قـهــر .. والله أمـرّ مـن الأمـرّ…
لا فـكــّرت في ربّهـا … ويوم القيامة و الجحيـم
و تعوذت في قلبها … من شر شيطان ٍرجيم
و صارت تعوفه حبها … و ترفض مـلاقاة اللئيـم
لكن .. بعد فـوت الأوان
يرجع يهدّدها بصـوَر … هي ارسلتها بكـيفهـا
ما تفيدها ساعة ندم … فيها تعاتب طيفها
والله قـهــر .. والله أمـرّ مـن الأمـرّ…
لا شـفـنـا ذيـبٍ يـلعـب بـسمـعـة بنـات
واحنا نشوف و ما لنا غـير السـكـوت
فينا ضميـر يموت في لحـظـة سكـات
و فينا ضمير يعيش و احساسه يموت
