وانا نقدملك واش نعرف
بعد ليلة الدخلة في صباح نوضي بكري قبل عريسك
البسي ديزابيي نتاعك
استيكي روحك مليح وماكيي وعطري روحك
اغسلي اسنانك بالفرشاة ولسانك وعطريه بالفريش
طيبي القهوة حليب ادا كنتي في دارك
نوضي راجلك بالحنانة ويشوف هداك الزين لي جابو ههههه
قوليلو يستيكي روحو هو تاني باش يديك للحفافة تمشطي
بعد ما توصلو لدار ناسك رايحين يحزموك ليسونسيال كل واحد وعاداتو
وفي الاسبوع الاول لازم دايما تبدلي حوايجك ولبسي الالوان الفاتحة باش تباني عروسة
ولازم تستيكي روحك كل اليوم
وهدا واش نعرف هههه ولي عندها اضافات تمدلنا :
regards01:
الأسبوع اللول لازم ديما تكوني عند روحك وتهتمي بروحك وبأدق التفاصيل تاع زوجك
لأنو اسبوع بداية الحياة الزوجية
ان شاء الله يزيدو يفيدونا بقية الأخوات
|
الله يسلمك ختي ساندريلا حبيت نطرح هدا الموضوع باسكو بزاف لبنات ما يعرفوش واش يعملو ويتعاملو في الاسبوع الاول لانو كل شي جديد عليهم
وراني تفكرت حوايج اخريين
اولا ماتنسايش تبدلي الفراش كل اليوم
ثانيا لي يدخل عليك في شومبرا يباركلك ماتنسايش تعطيه هدية رمزية
ثالثا كي تروحي ترجعي سبوع ماتنسايش مصروف يشروهولك ناس دارك ولا راجلك
باش تديه معاك لداركم وادي معاك اللحم ولا الدجاج وزيد الفاكية القاطو….لي جات ماتراطي والو هههه
|
انا تاني جيبلي كادو ساندريلا هههه دريني منهم
ربي يهنبك ويسعدك يارب
مازال متخطبتش مي دخلت نقرعج باه نتعلم منكم يا حلوين
ربي يهنيكم ان شاء الله
هكدا نستفادو من بعضنا بعض بزاف
انا مخطوبة وديما كنت نخمم واش العروسة تدير فالاسبوع الاول تاع زواجها
آسكو تطيب ولالا ,ايدا دارها وحدها واش تقدر تطيب ماكلة خفيفة ولا ثقيلة وادا مع عجوزتها ثاني
كيما انا خطيبي ماشي من الجزائر حبيت تاني الاخوات لي متزوجين من الخارج يعطونا نصائح واش قدر
ندي معايا تصديرة ولا لا وشحال نقدر ندي وزن هدا لي راني نخمم فيه وشكرا عالموضوع الجميل