اهلا حبيبــــــــاتي ان شـــــــــاء الله تكونـــو بخيـــــــــر
ليوم و بـــأذن الله رح تشــــاركوني كاملين في عرس حبوبتي و غاليتي
و نستنى مكتاه نشوفها عروس
زينب هي حبيتي من يمـــــات طفولتي
من الرغم انو المسافة بعدتنا الا انو القلوب ديما مع بعض
اخبارها كل يوم عندي و هي بالمثل
ديما في التواصل
بعد فتــــــــرة من تحضيرات الخطبــــــــة الي مقدرتش نـــروح نحضرلها
مي وعدتها نروح في عرسها
و هي عرضتني سمـــــانة من قبل
وهنا لقيت روحي شويـــــــــا حــــــــاصلة حرت كيفاه انضم روحــــــــي
ومدام المسافة بعيـــــــــدة لازم عليا ما ننسى حتى حاجة 
و قعدت يومين انا نشوف في خزانتي
واش نلبس واش ندي معايا
تعمر راسي و لقيت روحي حاصلة
ايا لحمد الله كي بعثلي ربي جاوني صحاباتي اللمويات لدار
هذه الصورة تم تصغيرها. إضغط هنا لعرض الصورة بالحجم الطبيعي. أبعاد الصورة الأصلية هي 800×521.
و درنا فيها قعدة حلوة
و قدرو يساعدوني في كلشيء
و مخلاوني ننسى حتى حاجة
ثماك حكمت الورقة و ستيلو 
و كل مايقولو حاجة نكتبها
انا راسي شويا برك خفت نعاود نزيد ننسى
احكمت الورقة و لسقتها داخل خزانتي
قبل يوم من رحلتي الي مجات تلحق
كان لازم عليا نستيكي روحي
علبالكم انا وجهي منكثرش فيه لي برودوي
بشرتي نحافظ عليها طبيعيا
حاجة وحدة برك نستعملها
الطفل:
بعد ما نقيت وجعي و ستيكيتو
درت تدويشة سلسلت كامل عضامي
و حكمت كابتي
و بديت نلم حوايجي
بداية مع :حجاباتي
خيرت 3 حجابات صيفية
الي مخدومين بتيسو بارد تلبسيهم و تخرجي وين حبيتي
خفاف عليا و نحس بالراحة كي نلبسهم
خيماراتي:
عبايتي:
قلت لازم تكون
هي الي تسلك في كلشيء
خاصة في العرس هاكو تعرفو
جلابات تاع الدار ببلايغهم:
خيرت حاجة الي تكون خفيفة
و نقدر نبوجي بيها في العرس
لاروبــــ سواري ديالي مع الطايور مع القفطان بسبابط الطالو ديالهم:
تفاهمت مع حبوبتي زينب نتصدر معاها و محبيتش انا نكثر
بزاف حوايج و خليت الاولوية للعروس بيانسور
الصيكان:
خيرت زوج تاع كي نخرج و واحد للعرس كي نروح مع لعروسة 
لماكياج ديالي:
لميت الي عندي
ساكوشة الماكياج :
و منقدرش نستغنى عنها
شحال نحبها
صغيرة و ترفدلي كلش
لي بـــــــارفا :
و اخيرا اكسيسواراتي و الذهب الديالي:
ماكفاتنيش لافاليز
حتى زدت كابة معاها
هكـ نكون لميت قشي كما يلزم
و مابقالي غير الكادو ديالي و بيانسور كي ندخل لدارغاليتي لازم في يدي حاجة حلوة
حباباتي اللمويات
هك نكون كملتلكم حكايتي
مع التوجاد لعرس صديقتي
نتمنى نكون خفيفة عليكم
مجموعة الياسمينات تحيـــــكم كاملين
و تتمنى يكون الموضوع قد نال اعجابكم
دمتم بخير
وان شاء الله نربحو في المنافسة
على التقديم الرائع بالتوفيق ان شا ءالله اختي
آه ياجنية تحضري لعرس زينب ياك صح صح انتي حضرتي لعرسها وأنا حضرت لعرسك هههه
موضوع متحوف يعطيك الصحة ختيتي عجبني بلاتو نتاع قاطو تبالي كمل غي فالطريق هههه
بصحتك التعريسة والتهريسة
موفقة حبوبة
تقديم مميز و موضوع منسق بطريقة رائعة
استفدنا معكم يا ياسمينات
بالتوفيق
بصحتكم التعراس اختي فلة
عجبوني الاكسسوارات ديالك رووووووووووووعة
بالتوفيق لكي
وبصحتكم التعريسة
الله يبارك عليكم يآسمنيآت كل شي كان هايل ♥
بالتوفيق ليكم في المسآبقة
راكم في منافسة شرسة كامل قدمتو حاجة روعة
بالتوفيق للجميع
|
شكرا انك اعرضتيه ليوم
ربي يعاونكم في النتائج
|
جيتي لعرسي و انا لا خبر
ههههه رحتي في الخط مع القاطو
وين تكوني انت يكون الضحك
والله استمتعت ليوم مع المواضيع
موفقة ليكم ثانيك حبوبة