جمعة مباركة خياتي
وش راكم ياخي لاباس؟؟
الحمد لله
ربي يدوّمها
جبتلكم اليوم حاجة من كوزينتي ياربي تعجبكم برك
ايا نبداو بسم الله
الحشوة فيها
بصلة ولا زوج
قصبر و معدنوس قطعيه شوية شوية
الزيتون الأخضر ثاني قطعيه
شوية برك ملح
شوية كمون مش بزاف
فلفل احمر +فلفل اكحل
الا بغيتي الحار زيدي الهريسة
طريقة التحضير
حمري كلشي فالمقلا على نار هادئة مع الزيييت ولا الزبدة وتبداي تخلطي
بالشوي
اما العجينة راكم عارفينها
فرينة + دقيق عادي
قليل من الزبدة (حوالى ملعقة كبيرة)
الملح
خلطي الدقيق بالماء الدافئ ويدلك جيدا حتى يتجمع الكل
والطريقة بالصور
تديري كويرات صغار من العجين كيما هكا
وتبداي تكوريها وحدة بوحدة وتعمريها بالحشوة لي تحضرات قبييلا منبعد ما تبرد
وتحطيها فالبلاطو تاع الفرن حتان كي تكملي العجينة
مبعد قلبيها في البلاطو قبل ماتحطيها تطيب
مبعد ندهنو المسمنات بشوية بيض ونزيدو عليهم فرماج و وندخلوهم الى الفرن
وهاي ليكم النتيجة :001_wub:
وان شا الله تقبلوني جديدة معاكم في مطبخ اللمة
اختكم سندس باتنة :angel_not:
وشكراا على الانظمام الينا مرحبا بيك حبوبة:001_wub:
بارك الله فيك وفي انتظار المزيد من الجديد
تحياتي
مآ شآء الله وأهلآ بيكـ معآنآ في المطبخ
نستنآو المزيد من وصفآتك الحلوة
تح ـيآتي ,, ~||
كيلة بكيلة ولا كيفاه:confused1:
يعطيك الصحة اختي
جاوك هايلين
ما شاء الله وأهلا بيك
معانا في المطبخ
ننتظرو المزيد من
وصفاتك الرائعة
يعطيك الصحة سندوسة على هذه الوصفة الشهية
باينة تخرج هايلة
بارك الله فيك ضرك نسجل الطريقة
الله يسلمك غاليتي
ربي يحفظك نورتي موضوعي :angel_not: