رضيت بالله ربا و بالاسلام دينا و بمحمد صلى الله عليه و سلم نبيا و رسولا
أنا تخرجت من الجامعة و لدي قناعة أن المرأة مهما كان مستواها و ثقافتها لن تتخلى عن وظيفتها كأم التي هي بالنسبة لي أعظم وظيفة كلفها بها الله سبحانه
أنا اليوم زوجة و أم و ماكثة في البيت و أنا بالطبع جامعية
منهم من يقول لي كل تعبك و دراستك في الأخير في البيت
أنا أقول نعم كل التعب و السهر حان الوقت كي أرتاح و يحمل زوجي عني كل مشاق و تعب الدنيا مع العلم أن زوجي مدخوله لا يكفي لآخ الشهر لكن مع راحة البال أحس أني أملك كنوز الدنيا
و الحمد لله أنا الان أحيى حياة هنية و سعيدة و هادئة
وظيفتي راحة زوجي و ابنتي في منزلي
و الحمد لله زوجي راض
و الثقافة و التحصيل الدراسي لن يذهبو هباءا بل سأنفع بهم أولادي و أدرسهم لن أدعهم يحتاجو لدروس خصوصية و هكذا سأوفر ان شاء الله المال على زوجي و التعب على أولادي
لأن الأبناء محتاجين حنان ثم حنان ليسو محتاجين أموال
المهم هذه قناعتي و هذا ديني و أنا راضية
فما رأيكم فأنا كلما التقيت بأحد يقول لي لماذا لا تشتغلين!
أقول زوجي هو السبب لأني لست ملزمة بشرح مفسر
اختي الكريمة جميل تفكيرك وقناعتك الرائعة
مثلما قي ربما مع الوقت المراة يتغير تفكيرها خاصة مع الزواج تشوف عائلتها هي كل شىء بالنسبة ليها
وانا نوافقك الراي مدام تلقاي راحتك هاك و بانية دارك وراضية الحمد لله
كلام الناس ما يدي ما يجيب لوكان تبعيهم مش تعيشي
الي نخدم يقولو نهار طول برا خدامة وهاملة دارها مع ان لوكان تدخل لدارها تحل فمك نظافة و قايمة ببيتها
والي مش تخدم يقولو قرات حياتها كل باه يديها يحطها في دار جايحة
ناس جامي تقدري ترضيهم
المهم الزوج تاعك مدام تحبيه وعايشة سعيدة معاه علاه نحوس على الوظيفة
منكذبش عليك صح كل وحدة تقولك قريت باه نخدم مش حياتي كل وانا نقرا في الاخير نقعد
لكن انا من وجهة نظري كلش يهون ويروح في وجه راجل لحلال
ربي يدومها سعادتك واخطيك من الناس
أنا ما يهمنيش راي الناس بصح أنا حايرة ف هاذ الوقت أصبحت لي ماهيش خدامة هي غير العادية
و أنا نحترم كل زوجة و أمرأة عاملة أو غير عاملة ليست لدي مشكلة و لست متعصبة لأي طرف أنا أبحث عن راحتي فقط
و كل واحة دير اللي تريحها
|
اليوم الزمن الي رانا فيه افرض على الكثير البحث عن منصب العمل
المعيشة واعرة وكل واحد يحب يعيش حياة رفاهية فهمتي
وهاد الشىء يخليهم يفكرو في العمل وعلى هادي ناس رجعت تفكر هاك
مي كيما قتلي هادي قناعة وكل واحد وين يلقا راحتو
بصراحة تاني يا ختيتو رجعو الي يجي يخطب يقولك الا خدامة ايه والا لالا اخطيني
خلونا بايرات هههههه
هيه هاديك تاني كاينه هاو تجي تفهمي تدوخي خخخخخخخخخ
ربي يعطينا على حساب لقلوب
موضوع ملبارح وهو يدور في بالي
وانا أوافقك الرأي مش 100 بالمية بل 1000 في المية
صح المرأة تقرا وتتعب مي ماش بش تخدم ولا لازم تخدم
القراية والعلم غاية وليست وسيلة ،، ديفوا تلقاي نسا قاعدين فالدار ومزالها تتعلم رغم انها مش رايحة تخدم بهديك القراية
وكيما قلتي هاد العلم فدي بيه اولادك حتى عالأقل كي تجي بنتك ولا ولدك يقولك ماما ما فهمتش حاجة تفهميه مش تقوليلو كي تروح للقسم اسأل المعلممة
العلم يرجعك مثقفة حتى إذا كنتي في مجلس تع نساء ويحكيو على أمر ما تعرفي كيفاش تدخلي فالنقاش مش تقعدي كي البلهاء تتبسمي وانتي مراكي فاهمة في جدها والو
المرأة اللي قاعدة فالدار رغم انها متعلمة عادية جدا واللي يقولك العكس راه يكدب عليك
وإذا ما قنعتيش ولا أثرو عليك بكلامهم جربي اخرجي تخدمي وتشوفي الميزيرية تع الصح وتضلي تجري منا ومنهيه
وراحة البال اللي راكي تحسي بيها دوكا توليلك حلم تتمنايها وما تلقايهاش
كاين بزاف نساء يخدمو باش يعاونو ازواجهم الله غالب الظروف حتمت عليهم
مي كي تعيشي معاه في راحة البال يا ربي تاكلو الكسرة والما مي فرحانين
ربي يهنيك اختي وما تخلي حتى وحدة تحسسك انك مش عادية راكي فالنورمال والله صدقيني راني خدامة وعمبالي