عندي هادي المجموعة من الفواكه تفاح بنان عنب بصح كيفاش نديرو سلاطة الفواكه
اين الردوووووووووووووووود
شوفي ختي التفاح اولا اغسليه و منبعد قشريه و قطعيه مربعات صغيرة و الموز تاني قشريه و قطعيه مربعات شوية كبار على تاع التفاح و العنب ادا بغيتي تخليه بالعلف تاعه و لا قسميه على زوج يعني اثنين و نزعيله العلف التاعه و منبعد خلطي قاع الفواكه في رحبا و قيميهم دري عليهم السكر عصري عليهم الليمون نتي و المقادير الي عندك حبة ليمون و لا نصف حبة و ديري قد فنجال تاع الشاي ماء و ادا كان عندك عصير فواكه تاني ديري قد كبة و جربيها اختي و رجعيلي الخبر ايه و كي تبغي اتقدميها ديريها في غامكا تاع الفلان و زوقيهم مل فوق بحبات تاع العنب تجي هايلة
|
كيما قالتلك الاخت وزيدي على هذا كي تخلطيهم ماء الزهر تجي الله يبارك
انا نقطعهم كيما قالت الاخت امونة ونخلط الياوورت المعطر بالموز حسب الحاجة مع شوية ماء الزهر ونخلط المل مع بعض تجي بنينة
>>\ورمضان كريم\>>
شكرا جزيلا عل الردود راني جربتها وخرجت هايلة
???????????????
اولا اغسلى الفواكه نتاعك مليح ومبعد قطعي الفاكهة اللى عنك لقطع صغيرة مى انت ديتى ثلث انواع من الفاكهة تقدرى تديرى بزاف ماشي غير تلاتة ومبعد تحطيهم فى صحن غامق بالدارجة نقولو ( غابي ) وجيبي عصير الليمون ودريه عليها وحطيه فالثلاجة وخليه يبرد مليييح سلطة الفاكهة تتكل باردة وشهية طيبة بصحتكم خاوتى شكرا حنا هكدا نديروها
