ها قد جئتكم مجددا بطبق جديد ولو انكم في اخر الاطباق ولا احد اعطاني طريقته فأتمنى تقولولي ادا تعملوها بنفس الطريقة او عندكن طريقة اخرى لتحضيرها لكي لا نخرج عن ايطار اصل الموضوع
يلا الصور تقريبا توضح كل شيء
تقصي البصل صغير ضروري تقصيه ماشي ترابيه يعطي البنة خير وترابي معاه الجزر وتقليه مع الزيت
تزيد اللحم مرحي تاعك وتحركي ومعاه الثوم مرابي كيف كيف وتخلطي
ومن بعد تجيبي الطماطم الا عندك الجارية هاديك الله ابارك والا تاع الباطة الجامدة جريها بالماء وزيديها
خليها اطيب وقبل ما اطفي زيد الملح وفلفل اكحل وزعتر يابس وممكن تزيدي المعدنوس الا حبيتي انا ما حبوش فما زدتوش
وهكا تكون لازم تكون جارية شوي:
رابي الفورماج روج او اي نوع عندك ووجدي البيشامال انا نستعمل تاع البيع :
اذهني البلاطو بالزبدة وحطي شرائح اللازانيا تاعك نية يعني ما تحطيها في الما لا والو كيما هي من الباطا للبلاطو:
وتبداي الطبقات تاعك الصوص الي درتيها الفورماج البشامل اللازانيا مرة اخرى وطبقة مرة اخرى حتى يفض واش عندك من صوص واخر طبقة تكون لازانيا وعليها الفورماج والبيشاميل تبعو مع الصور:
وفي الاخير هكا تكون :
دخليها للكوشة حتى تحمار من فوق وخرجيها وبالصحة عليكم هاي ليكم بصح ما لحقتش نصورها قبل ما تتكل لحقت برك على الطرف الاخير ههههه:
يلا يا فحلات قولولي هكا تاعكم والا لا وكيفاش اديروها انتم هاد هو المهم:
يعطيك الصحة ام امين
اها اوك يعني ما يحبوهاش بصح يعني هي تختلف في المذاق لو تجربيها ممكن يحبوها والله هي المفروض طبق احبوه الصغار خاصة انا ولادي في زوج اموتو عليها وابو امين ثاني
تبان تهبللللللللللللللللللللللللللل ل شويا تشبه لتاعي بلاك الفرق برك انا عمري مدرت الزعتر فكرة جديدة
ربي يحفضك وبار ك الله فيك
سسسسسسسسسسسسسسميرة وكي تدي نتي الي بقا وانا واش ندي اني ناكلك ههههههههههههههههههههههههه
|
صونية انا دخلت الاولى انت المرة الجاية ان شاء الله و ما قتلكش ليوم حريق في المطبخ من الدرجة الاولى الكوكوت تفحمت دخلت هنا شوي نطل و مع بنتي شوي نشم غير في الروائح جلبانة لونها اسود
شفتيها من قبل بانتل ندير موضوع نحطو فيه الصور تاع الاكلات لي يتحرقو
|
ماشيكيتش يعني راح يكون الفرق الوحيد في الزعتر تتمسخري انت يظهرلي خخخ المشكل فيك ماشي في اللازانيا ههههههههههه
|
ههههههههههه زبايل الكوزينة راهي ديما كاينة علاش لا قبل كان كاين موضوع في واحد المنتدى تقريبا هكا فيه يحطو اخطائهم الي يديروها في المطبخ حريق الماكلة نسيان حاجة فيها وكيفاش تجي وغيرو
|
خلاص ملا دوك نبدا في تصوير زبايلي في المطبخ و نديروهم في موضوع
لكن انا نحط اولا البيشامال ومن بعد اللازانيا يابسة ومن بعد لاصوص باللحم المفروم والازانيا ونزيدلها البيشامال
عطيك الصحة اختي