اول موضوع ليا
في قسم الطبخ ان شاء الله يعجبكم ما تحشمونيش باش نكمل نحط مواضيعي هه راني نتمسخر معاكم
ان شاء الله يعجبكم الطبق
اول حاجة نحتاجو بصل مقطع ومعدنوس وفلفل اسود وراس الحانوت وملح ونحطوه يذبل شوي
ونحتاجو صدر دجاج مقطع وشوي كرنب مقطع رقيق
نذبلو اول حاجة قطع الدجاج نحطوها في البصل ونغطيو عليها ونحركو مرة على مرة ما نزيدوش الماء راهو يطلق الماء تاعو
ولما يطيب الدجاج نزيدو الكرنب
في هذه الاثناء نكونوا حطينا شوي بطاطا تشرشم ولما تطيب نمعسوها ونزيدولها 2ملاعق جبن سائل وشوي ملح وفلفل اسود ونخلطوها
طبعا الكمية على حساب المول تاعك
وندهنو المول تاعنا بالزبدة ونفرشوفيه طبقة من البطاطا تاعنا
ومن بعد نحطو فوقها خليط الدجاج والكرنب
ونشكلو كرات صغيرة ونرصوها فوق الدجاج على الشكل هاذا
ونوجدو صوص بيشامال ونفرغوها فوق البلا تاعنا
ونحطوها تطيب ما تطولش بزاش جيست تشيح شوي ونشعلو عليها من قوق تحمار
ونقسموها غير بالشوي قيس كل دائرة لانها سهلة للتهشش يعني نقسمو مربعات قيس كل دائرة والبطاطا اللي بقات درتها اصابع بطاطا محشية بالجبن ومردتها في البيض ولاشابلير
وقليتها
البلا يجي هايل وبنين وكلما تكثري الدجاج يجي هايل والكرنب يجي روعة مع الدجاج واللي ما يحبوش ما يخافش راهو ما يبانش خلاص الطعم تاعو
اتمنى نكون وصلتلكم الفكرة وعجبكم موضوعي
:1 9:
خرجت روعة
بربي ان شاء الله نجربو نشتي الكرنب بزاف
يعطيك الصحة بانتظار جديدك
|
بارك الله فيك ندى على التشجيع
اتمنى ان تجربيه ويعجبك وشكرا على المساعدة في ضبط الصور
يعطيك الصحة حبيبة راها تشهي
يمي يمي
بصحتكم