اليوم محضرة ليكم وصفة من مطبخي مباشرة و إن شاء الله تعجبكم و هي عبارة عن فطائر مقلية و الأجمل ما فيها أنها لاتحتوي على عجين من الداخل يعني تنفع لأصحاب الريجيم ههههه
نبدأ في المقادير
– 6 أكواب فرينة
– 3/4 كوب زيت
– ملح
– نصف ملعقة صغيرة سكر
– خميرة فورية
– 3 بيضات
3/4 كوب ماء دافئ
التحضير : نخلط جميع المكونات ماعدا البيض و الماء و نفرك جيدا ثم نضيف البيضات و الماء و نعجن مليح و نتركها جانبا
في هذا الوقت نحضر الحشوة أنا عملت نوعين من الحشوة حشوة سخونة و حشوة باردة
– الحشوة الباردة عبارة عن خيار مقطع + طماطم مقطعة + تونة + زيت زيتون و ملح و عصير ليمون كما هو موضح في السورة
و الحشوة الثانية عبارة عن لحم مفروم و بصل و فلفل حار مقطع رقيق اللي يحب الحار نذبله فوق النار مع شوي ملح و ثوم و فلفل أسود ونقليه شوي و نطفئ عليه النار ثم نضيف عليه بيض مطبوخ في الماء مرpي و زيتون أسود مقطع و هذه هي الحشوة السخونة و نخليكم مع الصور
و نرجع للعجين نرش الطاولة بالفرينة و نبسط العجينة بالحلال رقيقة و يكون الزيت سخون فوق النار و نفصل العجين دوائر و نقليهم و نلاحظه إنهم إنتفخوا و نقلبهم حتى يتحمروا و نصفيهم و المفاجأة إنه عند فتح القرصة بالسكين تكون فارغة يعني لا يوجد بداخلها عجين و هذا الشيء اللي يبحث عليه الكثير من أصحاب الريجيم
و من بعد نحشيهم بالحشوة اللي نحبها
و هذا شكله النهائي
والله فطائر هايلين
مشكورة على مجهودك
نتمنى تجربوها و تعجبكم
|
يممممممم شهيتيني ياام دودو يسلمو الايادي