السلام عليم و رحمة الله و بركاته
على بركة الله نبدأ
المقاديــــــــر
لحم غنمي – راس ثوم كامل – حبتين طماطم – جزر – قرعة – فلفل حار
حشيش مقطفة – ملح – فلفل احمر – راس الحانوت – طماطم مصبرة ملعقتين ك على الاكثر
فول يابس مقشر – حمص منقوع – الرب
عيش = بركوكس
الطريقـــــــــة
نقلي اللحم مع الثوم و التوابل و الزيت و نصف ملعقة طماطم مصبرة … نمرق
نضيف الحبوب و الطماطم الطازجة
في نص الطياب نضيف الطماطم المصبرة و الخضر مقطعة مربعات صغيرة و العيش
قبل ما نطفئ النار بثواني نضيف الفلفل و الرب اذا كان المذاق حامض
يقدم في قصعة معطر بالحشيش
و بصحتكـــــــــــــــــم
إذا كان العيش مفتول جديد نضيفه مباشرة للمرق
إذا كان يابس ننقعه في الماء الدافئ
لما نطفئ النار لازم المرقة تكون بزيادة لانو العيش راح يتشربها
اذا كان الرب غير متوفر يمكن إستبداله بالسكر
إضافة شخصية : نحب نضيف البوفجوخ للعيش يعطيه ذوق رااائع
تحياتـــــــــــي
تسلم الايادي
يعطيك الصحة
واحلى تقييم ليك
راكى سخفتينى و انا نتوحم ومعنديش شكون لى يدرهولى فى الغربة حنا جدتى هى لى تفتلهونا
نشرى هداك لى يسميوه تاع الفابريكة و نطيبو و امرى لله
كل شئ كيفنا غير خضر احنا منعملوهاش
حنا تاع سوافة
منعملوش الخضار
راح تشوفيه من بعد القصعة تاع
احنا نزيدزلز لحشاوش تزيدو نكهة خاصة
اعرضيني هههه
يعطيك الصحة
ربي يخليلك ذوك اليدين
شهيتيني
نحب ناكلو بزاااااااااااااف