كيراكم لاباس نشاء الله تكونو بخير
كيما وعدت بعض الأصدقاء قلتلهم اليوم نروح لأغواط ونقولكم واش يقولولي
بالنسبة للإقامة البنات تكونو 2 في الغرفة وإذا حبيتي تجيبي صحبتك و تولو 3
أنا درت وحدي اليوم قالي إذا تعرفي وحدة نديرك معاها قتلو لالا إيمالا داروني وحدي
وراني نقارع لنتائج التحويلات بلاك تربح بنت بلادي تزيد دير نعايا
قالولنا متجيبو والو معاكم غير الحقيبة درا (غطاء) باه تبدلي فراشك
أعطاوني رقم الهاتف الخاص بالإقامة و قالولي في 22 عيطيلنا نقولولك وينتا تجي .المهم يستقبلو نورمال ماكان لا يرجعو لا والو أما المفاتيح تسلم يوم المكوث بالغرفة.
وأما بخصوص الجامعة أنا رحت و درت تحويل داخلي درت علوم دقيقة ثانوي و درت أيضا متوسط
هوما يعطولك تملي بطاقة الرغبات ب 5 تحويلات
أنا درت غير 2 لي راني باغيتهم
و النتائج في 20 أو 22 يتم الإعلان عليها و 23 كاين مقابلة شفوية إذا قبلوني فيها ندخلل ديراكت و إذا مقبلونيش نرجع نورمال في الإبتدائي
المهم و المهم و المهم البدية نتاع الدروس في 23 سبتمبر و هذا أكيد سقسيت و زدت أكدت أنا نروح في 23 على جال المقابلة أو على جال الغرفة رايحة رايحة. هذا ماتفكرت كاش أسئلة راني هنا
أقسم بالله كل كلمة قالوهالي قلتها .
دعولي برك ربي يسهلي و يعطوني واش بغيت. ولي كانو دارو المقابلة نتاع علوم دقيقة ثانوي أو متوسط يفيدني بالأسئلة
وجزاكم الله كل الخير
دمتم بود
راني فيها لمدة خمس سنوات كرهت منها و من بعض العباد لفيها
راهي فيها الاشياء غير ربي للعالم
المهم الله يسهل ان شاء الله
كيما يقولك ناس بكري "متشوف جن متسمي منو".
أنا كيما قتلك هدي الإقامة حلت غير السنة حنا لولين لي ندشنوها هههه
قولي واش من إختصاص نتا راك دايرو مرسي ليك
مام انا كيفكــ دايرتها و اليوم عيطت للاقامة قالولــــــي المفاتيح حتى لل30 سبتمبر
مافهمتش انا ؟؟؟ دخلة تاع المدرسة قبل الاقامة ؟؟؟؟؟ باسكو على حد علمي الدخلى تاع القراية 23
فهمميني يعيشـــــــك 
مافهمتش كيفاش راح تديري تحويل من ابتدائي لمتوسط ؟؟؟؟؟؟؟ شحال جبتي المعدل ؟؟
انا دايرة ابتدائي … وزيد حناا المدرسة العليا تاع المتوسط و الثانوي دايرينا تابعين لدزاير وابتدائي الاغواط كون ندير تحوال لدزاير ؟؟؟؟؟
نتمنى تردي عليــــــا حنونـة
و mérCiiiiiiiiiiiiii
svp a3tini num ta3 ikama
w zad ana galoli f 23 tedi meftah w kraya tebda f 23 kima galoli ana jebt 13.42 w dert transfere dert cem w lycée w nchalah yekebloli wahda menhom ana tani rani primaire
lala kayna cem w lycée f laghouat
kolili derti la chambre m3amen?? rodi 3lia
انا عيطتلهــم صباح كيما قتلك قالــولي ل30 تدو مفاتيح قتلــها ختي ودخلة وينتـــا قاتلي ماعندناش علاقة بالمدرســة العليا مانكذبش عليك عيشة عاوديـلي بلاك نسقسيلك
ايا ساع شوية قاتلي واقيــــلا الدخلة راها في 1 اكتوبر ولا 2
مافهمـــــــــت والو يأجلو كيما يبغو
hada num ta3 eli9àmaa 020861215
انا السبت ان شاء الله جاية لتيارت و الاحــــد نبكر عندهـم ونجيبلكــ الرسمي OOook 
saha ida 3andek f.c.e.b.o.o.k ba3tihli par un msg privé et mercii
abe3tihli nti najoutiik ràni n9ara3léék oOOk