السلام عليكم
الكل يعرف الرشتة اليوم حبيت نعطيكم طريقتي فتحضيرها من مطبخي
بما أنو قرب المولد النبوي الشريف ينعاد علينا بالصحة قلت نوجد رشتة من قبل باه تجيني ساهلة
اليوم نوفيكم بالصور وفالمولد نوفيكم بطيابها
hiny:(نسيت مصورتش السميد اكيد تعرفوه ههههه)
المقادير
سميد حسب الرغبة + ملح+ رشة فرينة+ ماء باه نلمو العجينة
بسم الله نحطو السميد مع الفرينة والملح ونضيفو بشوية الماء ونبلو العجينة تدريجيا اوالاحسن تتعجن على اليابس احسن انا شمخت العجينة وحطيتها فكيس وبيتها ليلة ولكي الاختيار تقدري تعجنيها تمتم في اليوم الموالي لقيت العجينة رتاحت عجنتها بيديا مليح (استغنيت على العجان )
قرصتهم وحليت بالوحدة بالحلال كيما فالصور وقطعتها
بعدها جبت الالة الخاصة حليتها
حليتها فالرقم 5 لاني سبقت وحليتها فالحلال مليح وبعدها حليتها فالرقم الاخير 9
هنا نخليها تنشف مليح ونقلبها مرة على مرة وكي تحسيها بيدك بدات تيبس نوجدو المشينة ونقطعوها ومرة اخرة نفرشلها طرف نضيف ونفتحها بيدينا كي نحكوها باه متتعجن ونخليها تنشف مرة اخرى
وبعد مانشفت مليح فورتها وزديت رجعت نشرتها باه تيبس وتجيني ساهلة للطياب
ان شاء الله ما كنت طولت عليكم
heer:
طريقة رائعة الاء يعطيك الصحة راكى وفتى بارك الله فيك
طريقتك مفصلة ومبسطة استفدت منها الله يخليك حبيبتي الاء الرحمن
تبارك الله عليك يا الحبيبة
بالصحة و الهنا
بالصحة و الهنا
الف شكر اختي الاء على الوصفة و الطريقة بارك الله فيك
يعطيك الصحة اختي مها نظن هكذا كان اسمك
والله طريقة ساهلة ساهلة ساهلة
وهايلة
نسقسيك اسكو تقدري تحتفظي بيها ولا لالا
يعني كون نخدم كمية كبيرة ونقدر نخبيها ولا لا
والله طريقة ساهلة ساهلة ساهلة
وهايلة
نسقسيك اسكو تقدري تحتفظي بيها ولا لالا
يعني كون نخدم كمية كبيرة ونقدر نخبيها ولا لا
يعطيك الصحة
يعطيك الصحة على الشرح ربي يفرحك
يعطيك الصحا اختي جاتك رووعة
هايلة ياسمين
شرح مبسط ومفصل
يعطيك الصحة
واحلى تقييم لعيونك
شرح مبسط ومفصل
يعطيك الصحة
واحلى تقييم لعيونك