أنا طالب جامعي سنة ثانية رياضيات إحترت في التوجه بين إختصاص التحليل و الجبر فهلا تقولو لي ماهي آفاق كل واحدة منهما بارك الله فيكم
وراني حابة ندير الاعداد المركبة من جهة ساهلة ومن جهة اخرى انا نحبها بزاف
وبالنسبة للجبر يجيني واعر ومام الاساتذة كينسقسوهم على شي صوالح في هادا الموديل مايقدروش يوصلونا المعلومة وجامي حسيت روحي فهمت في الجبر كون ماشي قريتها وحدي كون راني زيرو فيها
وننصحك دير تحليل بويسك التمارين نتاعهم منطقيين ماشي كيما الجبر وانت شوف اللي يساعدك
تقبل تحياتي
|
بارك الله فيك أختي صدقيني كنت حاب ندير الجبر خاطر كنت نعرفو مليح العام لي فات خرجتو ب 19.5 والعام هذا ما فهمتش فيه كلمة + حنا ما عندناش أعداد مركبة حتى هي نحبها بزاف وعلى هذا بقاتلي غير التحليل ونشالله يجيب ربي الخير و جزاكي الله كل خير
انصحك باختيار الجبر لان مختصي التحليل كثر في الجزائر
اكيد افاق الاختصاصين كثر لكن الجبر اختصاص نادر
بالتوفيق
|
بارك الله فيكي بصح قالولي الجبر ماكانش les encadreur على هاذا قلت نخير تحليل و بالتوفيق
و هدي محتاجة سؤال خويا؟؟ تاع الصح كي جبر خيرمن التحليل مليار خطرة
التحليل صامطة و ساديبون على حساب الاساتدة .. انا اساتدة التحليل وخدوني في النقاط بورتون التحليل ساهلة على الجبر
الجبر مليحة فيها تخصصات ملاح بالبزاف كما
la théorie des nombres
et encodage
نورمالمون هادو تخصصات جديدة في الجزائر و مطلوبين بالبزاف
و التحليل كما قالت الاخت شادية كاينين بالبزاف في بلادنا
و في الاخير الاختيار بيدك انت تديسيدي
|
شكرا نشالله نزيد نفكر و نشوف ناس تعرف ربي يبارك فيك و يوفقك على هادي النصيحة الطيبة