السلام عليكم اخوتي الكرام
والله راني في اصعب موقف في حياتي
زعمة انا قلت الخلعة تع ال bac
امبعد صايي كلش يفوت
بصح غير ديت الباك وفرحت
رجعت نبكي
cared:
ورجع التخمام من جديد
دوك نقولكم علاش
انا راني حايرة فالتخصص تعي
ماعرفت وش ندير
ياخي تعرفو احنا الادبيين
محقوريين
قالك شعبة الاغبياء
بصح ماعليه
كاين ربي
urrender:
ندخل في المفيد……انا ديت الباك تعي ب 12.40 شعبة اداب ولغات اجنبية
ومالقيت حتى شيئ يعجبني
يعني كاين
الغات
فرنسية
انجليزية او ادب عربي ..تاريخ…علوم اجتماعية
:busted_red::busted_red::buste d_red::busted_red:
ماعجبووووووووووووووووووونيش
اه اه اه ن لقيت بصح راني مترددة نقرا برا بعيد على دارنا
راح نقولكم الاختيارات توعي
علم النفس…
اعلام واتصال…
وترجمة”””اللي يعرف هاد التخصص يعرفني عليه رجاءا""
ممكن تساعدوني من فضلكم
الل يعندو معرفة افضل يخبرني
و كلشي مبروك عليك ختي
بصح حابة نقلك بلي لهدرة لي قلتيها على الشعبة تعكم غالطة و مايقولوها غير لجاهلين
واش رايك ديري في تاع التعليم انا شعبة رياضيات و ديتو ب 12.82 راني نخمم ندير في تع التعليم باش نولي نقري رياضيات
بصح حبيت نسقسيك كيفاش عرفتي الاختيارات تاعك و هوما مازال مامدولناش الدليل
و ربي يقدملك لي فيه الخير
انا تاني ربحت الباك هادا العام و جبت 12 و راني حابة إعلام و إتصال
|
شكرا حنونة على ردك
انا ماقلتش على شعبتي
بصح الناس قالووو
على العموم احنا ماعدنش اختيارات بزاف كيما العلميين
وهاد الشيئ لاحظيه في النتائج
نتائج العلميين كاين هايلة وروعة وصراحة انا انبهرت بيها
مام فالجماعات مارحش تلقاي عدنا اختيارات خارج التعليم ووللاسف انا مانيش حاباتووووو
بصح هادي هي الحاجة اللي كاينة في بلادنا ….التعليم تم التعليم تم التعليم
ربي يحطها فالصواب
ربي يخليك اختي وان شاء الله يحقق وش راكي حابة
اه
بخصوص الاختيارات
انا قلت وش راني حابة برك…يعني هادوك هوما المفضلين عندي
اختي انا تاني كنت كيما انت
langues etrangéres
بصح عندي بزاف ملي جبت الباك
وتاني كنت حايرة واش نخير امبعد في الاخر درت
licence français
هي واعرة شوية صح وسامطة تاني صح
بصح مليحة
انا نصيحة من عندي ديري لغات و لا ترجمة
حتى اعلام واتصال مليحة
بصح علم نفس ماكلاه ما عندك ما تديري بيها
وربي يوفقك
|
اعلام واتصال تاني مليحة
بصح شوفي زهري:busted_red::busted_red::b usted_red::busted_red:
ماكانش في ولايتي
|
اه اه اه
كلشي نتفاهمو فيه
لغات اجنبية كيف كيف صح ماعليه متفاهمين فيها هادي
مي بلحاج :busted_red::busted_red::buste d_red:
:heh::heh::heh::heh::heh::heh:
اواه فرنسية مانحملهاش..تجيني واعرة بزاف..
مالقري نقراها مليح ونجيب فيها المعدل بصح مانحملهاش
راني نقول ترجمة ..ومانعرف
شكرا على النصيحة اختي محبة بلحاج
كيما انا…:music_whistling:
فيما يخص التخصص ماتخافيش اوكي ربي يوجهك
انا في نظري اللغات الاجنبية يحتاجوهم بزاف ورجعو مطلوبين كثير
اختاري فرنسية او انجليزية هما صعاب شوية لكن او تقدري انشاء الله
فيما يخص شعبتك الادب واللغات الاجنبية ومشكل الاختيارات مكانش منها
انا اخدت الباك علمية علوم واتجهت لغة فرنسية في الجامعة
موفقة
ادا احتجت شئ انا هنا
|
نرومالمو ماتنغبنش
موسوسة مع العباد الموسوسين
في بلادنا هاد مايليق
خلط النية بالهبال تسلك