250 غرام زبدة + بيضة كاملة + فرينة + معطر فانليا + رشة خميرة كيميائية + حبات كرامل ( راهم يتبعو في في الحانوت على شكل حلوى كيما الكابريس وهكذا وانتوا اشريوا تاع الكرامل حلوى الكارمل )
للتزين :
شكولاطة بنية لطغتيه الحبة وشكولاطة بيضاء للتزين الحبة من فوق
الادوات المستعملة :
مول تاع السلكون + فرشاة باش نطلوا الزيت + طابع كبير على شكل دائرة انا اخترت الدائرة علابالك السلكون ديالي على شكل دائرة كبيرة رهم يتباعو علا هذيك خيرت طابع الدائرة ويلي عندها سلكون على شكل قلب ولا مكانش مشكل تجيب طابع تاع قلب
طريقة التحضير :
نجيب وعاء للتحضير العجينة نحطوا فيه 250 غرام زبدة تكون طرية نحطوا بيضة كاملة ونخلطوهم باليدين حتاك يولو كريمة ومبعد نزيدو عطر الفانليا والخمير الكميائية ونخلطوا ومبعد نشيحوها بالفرينة حتاك تولي عجينة طرية ومتماسكة ونحطوها على جنب نجيبوا هاك باش نسطحوا بيه لعجينة اسمحولي نسيت اسموا هههههههههههه نسطحوا بيه العجينة بصح مانديروهاش رقيقة بزاف خلوها شويا خشينة ونديروا دوائر كبير على قد السلكون ديالنا نجيوا الفرشاة ندهنوا السلكون بالزيت باش مايلصقش ونحطوا الدوائر وفي كل دائيرة في السلكون نحطوا دائرة وحدة من العجينة ومبعد نجيبوا الحبة تاع الكارمال ونديروها في الوسط وبعد نذزدوا نغطوها بدائرة اخرى نتمنى تكونوا فهمتوني وندخلوها للفرن نخلوها طيب وحنا في هذي لاوقات روحوا نذوبوا الشكولاطة السوداء والبيضاء على حمام مريم وكي طيب الحبات نخرجوهم من الفرن نغطسوهم في الشطولاطة السوداء او البنية ونجيبوا كيس الحلواني ونديروا فيه الشطولاطة البيضاء ونزينوا بيها كيما حبينا وكاين طريقة اخرى للتزين وهي نغطسوا الحبة في الشكولاطة ورشوا عليها شويا سكرولاي استفسارات قولوا لي
ويعطيك الصحة على الوصفة