هذه الحلوى و جدت و صفتها في كتاب حلويات جافة لسيدة تونسي و جربتها خرجت لي هايلة، لقد ضاعفت المقادير.
جربوها متندموش فهي طرية و لذيذة.
المقادير :
العجينة :
– 150 غ مارقارين طرية – استعملت ماتينا
– 150 غ سكر ناعم – قلاص-
– 100 غ ميزينة
– 02 صفار بيض
– 01 بيضة كاملة
– 01 ملعقة صغيرة لفاني
– 1/2 ملعقة صغيرة خمارة كيميائية
– 03 ملاعق كبار كاكاو
– فرينة
التزين :
– مربي لنلصق به الحبات
– شيكولة بيضاء.
التحضير :
في إناء نخلط المارقارين + سكر + صفار بيض + بيضة كاملة ولفاني ثم الميزينة و الكاكاو والفرينة ممزوج فيها ليفور أي الخميرة الكميائية حتى نتحصل على عجينة طرية.
نرش الطاولة بميزينة و نحل العجينة بواسطة الحلال بسمك 5مم ثم نقطع العجينة بواسطة مول تاع المروحات يباع في الأسواق.
نترك الحلوى تطيب في الفرن مدة 20 دقيقة.
عندما تطيب نتركها تبرد ثم نلصق حبتين معا بواسطة مربى أي معجون.
و في الأخير نغطس الطرف السفلي للمروحات في شيكولة بيضاء ذائبة.
في انتظار الجديد
ادا امكن حطيلنا صورة حلو المروحات ادا مفيهاش ازعاج ليك اختي و مشكورة مسبقا