هاذ لحريشات تيجيو غزالين وهشاش بشهادة الكل
المقادير :
كاس عنبة عامر سميدة رقيقة
كاس عنبة عامر فينو (اناهنا خلطتهم في زلافة قبل نصور )
ملعقة صغير نافع بلدي من احسن يكون صحيح (انا هنا كان عندي مطحون )
نصف كاس زيت
نصف كاس سنيدة
1 خمارة
1 فاني
شوية ملح
حليب لجمع الخليط
لتفنيد :
شوية سميدة غليضة مخلطة مع شوية زيت وشوية سنيدة وراس ملعقة خميرة لحلوى
هاذ طريقة لتفنيد تتجيب لحرشة مشقة خذيتها من واحد الاخت الله يجزيها بخير
من نهار جربتها ومابقيتش تتستغنى عليها
نخليكم مع الصور
هنا من بعدما خلطناها خاصها ترتاح لمدة ربع ساعة تقريبا
عاد نكوروها ونفندوها في السميد ونوضعها في الطوى مدهونة بالزيت ومرشوشة بالسميد
راني قسمت لخليط على جوج واحد خليتو هكاك ونص لاخور زدت فيه نافع بلدي
لان مول دار مابغاش ليا
هاذو لخليتهم عاديين منكهين غير بفاني
هاهما عن قرب كيف تيجيو مشقين وغزالين يم يم
بالصحة والراحة وتتمنى تجربهم راه تيجيو زوينين 
|
خرجولك روعة اختي المغربية
راكي جبتيلنا وصفات هايلين
يعطيك الصحة
|
وصفة تشهي
سلمت يداك
|
حمد لله حنا هنا باش نفيذو ونستفذو
لهلا يخطيك اختي مايحرمني من مرورك دائم
|
الله يسلمك وينجيك احبيبة
مشكورة على تقييمك للموضوع نردها ليك ساعة لخير
فكيف ساترك لك حقك
ههههههههههجزاك الله خيرا على الوصفة والله يعطيك ما تمنيتي