ماشاء الله عن جد شبعة وخفيفة
خاصة كي تكثرولها بزاف فراميج يم يم يميييييييييييييي
معذر على غوتاغ ياخي ماكنش الي تتوحم هنا نباصي خخخخخ
بالنسبة للعجينة
150غ فرينة
ملعقة اكل سكر
نصف ملعقة كبيرة حليب مجفف (لحظة)
نص مغرف صغيرة ملح
ملعقة كبيرة خميرة الخبز
ملعقة كبيرة بيض(يعني ناخذ بيضة ونخفقها مليح وناخذ منها مكيال ملعقة كبيرة )
وماء زيدو بشوية حذاري تجروها
نلموها مليح ونعجنها شوية
نديرها كرية ونحط عليها حوالي ملعقة كبيرة زبدة او مارغارين
ونخليها تخمر شوية
من بعد ندخل زبدة مليح فالعجينة
وندير منها كريات صغار
حجم القارب انتي تحدديه (يعني لاحبيتي حبات صغار ديري كويرات صغار وسرحي مليح العجينة
حلي الكريات بالتناوب وحطي فيهم فروماج رابي كثري وماتخافيش ممممممم
ودوري فالجوانب حتى للوسط كيما صورة
والجوانب غلقيهم مليح مهم جدا
زيدي حطي فالنص فروماج ممكن تزيدي انواع اخرى كالشيدر او موزريلا فالنص وفقسي عليها البيضة
وجوانب مسحتها بالبيض ورشيت عليها جلجلان
ملاحظة مهمة ماتشعليش الفرن قبل
كي تكملي من تشكيل العجينة شعليه باش يطيب لك العجينة قد قد مع البيض
ودرجة حرارة الفرن انا درت 200 بعد ماشفت تحت طابت زدتها ل240درجة وحمرتها من فوق
هذه اهم النصائح
الان ناتي الى عالم صور كالعادة
شوفو شكلها ماشاء ماشاء الله جات خفيفة ريشة مع فروماج رابي مممممممم طعم خيال
يسلمو ايديك .
يشهيييييييييييييو
كنت شفتهم كي حطتهم الاخت لينا وقلت نجربهم ونسيت
وانتي فكرتيني بالوصفة ^^
|
تقدري اختي تديري شوية حليب ماشي غبرة و لا نحيه كامل
شكرا
|
انا جربتهم لكن مصورتش مكنتش حاسبة بلي يخرجو يهبللللللللللو علابيها نقلت التاور من منتدى اخر