اليوم رآنآ في16 يوم من رمضآن ومآ بآقي الا يمات لهدا
اكيد كل وحدة عندها فكرة على قائمة الحلويات لراهي حابة تعملها تدكرنا بيها
بمعنى حلويآت العيد
كل الاخت تقولنا عليها
لذا بغيت نتشاور و كل واحدة تقول واش رايحة دير
ولاعندها وصفة جديدة
تفيدنا بيها
تحياتي
ان شاء الله كل وحده من العضوات العزيزات تجيبلنا الجديد مع الوصفات وكلها تكون هنا يسهل البحث على الجميع وراني متأكده كامل نحوسو على الجديد
انا حد الآن ما زال ما قررتش عندي افكار اوليه فقط
حابه ندير حلوة الضفيرة والفانكي وكرات الباونتي هادو لي عجبوني في المنتدى تاعنا
وماما حابه دير الهلال الفلسطيني تموت عليه وبالنسبه لاختي هاد اليومين تجيب وصفات جديده
ان شاء الله كش ما عندي جديد هاد اليومين راني نقولكم
صحا سحوركم كامل …. تحياتي بعد غياب طويييييييييييييييييل راني كنت مسافره للأردن غير كيما رجعت
|
حمد الله على السلامة ومنورة الركن
اتمنى يكون تفاعل مع الاخوات تحياتي
بادن الله مقروض وبقلاة هدو لازمين لاني نفتش على الجديد
لي عودة للموضوع ان شاء الله
حبيت نسقسي على المخبز اسكوا نديرولوا السكر العادي ولا الناعم
|
انا عملتو من قبل بالسكر العادي و لكن اللوز او الكاوكاو يكون رقيق باش يتلم و منخليهش يطول في الفرن لانو يجيك يابس
انا معولة ادا حب ربي على البقلاوة و اهرامات الحلقوم و البندق و قاطو الببيونة واي نوع قاطو ما يطيبش وتاني نختمها بالصامصة
تحياتي للجميع و صح عيدكم
ام وليد
|
شوفي انت الامتلهيش داك الاسبوع في زيارات راح عليك الحال و لا المناسبة صغيرة والحلويات متنكثريش املا خليهم بعد العيد يجوك طريين لان السخانة على حسب المناسبة وعلى حسب الكمية
يعطيك الصحة