السلام عليكم
اليوم كانو التوجيهات وجات معاهم الصدمة
ختي خيرت جراحة اسنان في البليدة مي هوما لاحوها في وهرااااااااااااااااااااااااااا ااان
شكون يقدر يعاوني ربي يعطيكم ما تتمناو
كذلك دراسة الطب في وهران ليست بذلك السوء…أنا سمعت أنها أسهل من البليدة والعاصمة.
كاينة وحدة برك خلاوها تبدل من 800 عبد لعام لي فات واش حنقولك لامكانش المعريفة لازم تصبر يعني تقرى عام برك تكملو ودير ترونسفار
لانو الامكان البلايص والعدد محدد قد قد وان شاء الله ربي يكتبلها الخير
|
شكرا على الجوبا مي حبيت نقولك بلي رانا عايشين في الجزائر وين كلشي يمشي بالمعارف
املاتيك كيفاه واحد يجيب الباك ب معدل 10 ويعطولو هندسة معمارية؟؟ والامثلة كثيرة بلا ما نذكرها
والمشكل في البعد يا اخي ماشي في القراية لانه خلالالالالالالالالالاص لي قرا قرا بكري وماغلطش لي قالها
اليوم اختي راحت سجلت صرا فيها العجب
خرجت من الدار على ال23 وصلت على 6 يعني مارقدتش الليل كومبلي وفي الصبح مابداوش التسجيلات بكري حي 9 وما كملتش حتى ال 14 ومالقاتش ترونسبور حتى ال 17 وما توصلش حتى الليل …واش هادا قع والله غير بزاف
يعني تولي ما تقدرش تجي للدار غير من عطلة لعطلة
|
شكرا ليك اخي على المشاركة الطيبة
يا خي بلاد ياخي الواحد رجع يجيب الباك باه يتمحن ماشي باه يبني المستقبل تاعو 
chmoll:
شوفي اختي تحآول في سبتمبر تعمل طلب تحويل الى جامعة البليدة في قسم جراحة الاسنان و تأكدي ان رئيسة القسم
متفهمة و اذا كآن هنآكــ سبب مقنع للتحويل اكيد ستقبل اختك
توكلي على الله
ملاحظة هامشية . التخصص هذا في وهران فيه تخصصات افضل بكثير من البليدة رغم البعد لكن هناك الاحياء الجامعية
و هذه هي الحياة الجامعية تضحيات و تمرميد في جزائرنا ^^
بالتوفيق
|
ان شاء الله الجري كامل في سبتمبر
وانت اختي الكريمة تقراي في بليدة لاني صراحة ماكنت عارفة بلي chef département امراة في قسم جراجة الاسنان
يا اختي السبب باين هو بعد المسافة كيفاه يخلو جامعة تبعد علينا ب 40كم ويبعتوها لجامعة تبعد علينا ب 400 كم
انا خممت باه نبدو الريزيدانس مي معدناش لافامي في بليدة عندنا في العاصة زعمة يقبلو ؟؟
يا اختي والله انا اعرف انا القراية في بليدة ماعندها حتى مستوى مي والله غير بزاف البعد وخاصة اننا في الدار غير بنات ووالدي الله غالب عليه مريضad: يعني زعمة هكدا نغيضوها ؟؟؟ هههههههه
ربي يجيب لي فيه الخير ان شاء الله
بالاضافة انا منطقتي تبعد 100 كلم عن الجامعة
الاقامة ان استطعتي تغييرها الى البليدة او ما جاورها سيكون اكيد افضل
جربي احتي ان شاء الله تتيسر امورك
درست بالبليدة ^^ في نفس القسم
سلام
|
بارك الله فيك اختي الكريمة على ردك
شفتي هادي لي تغيض المدية لاصقة في بليدة يا ربي نديرو ساعة غير ربع بالسيارة وهوما بعتوها لوهران 6 ساعات تامارا في الترونسبور
حنا اكيد نديرو واش نقدرو والباقي على ربي سبحانو
بالمناسبة انا جارتكم غير في البافيون 25 هههههههه hay:
ربي يوفقك ان شاء الله وصح رمضانكم