مليح انو نكون انا اول عضوة نحط موضوع في هاد الفرع من قسم المرحلة الجامعية ..
انا ادرس هندسة صيدلانية سنة اولى ماستر
اي استفسار حول الفرع او حول اي شيء بخصوص الهندسة انا موجودة
سلام 😎
و بالتوفيق لك في منتدى اللمة
الحقيقة فرحت لافتتاح هدا الفرع
فرع الهندسة
لاني ادرس هندسة ميكانيكية
ربي يوفقكــــــــ
اولا ربي ينجحك في الماستر ولعقوبة للدكتوراه
راني حابة نسقسيك وان شاء الله منكونش ثقيلة ظل
انا من ولاية باتنة ندرس سنة 2 علوم وتقنيات وراني حايرة مع الإختصاص على خاطر معنديش معلومات فالمجال هذا ونتمنى تعاونيني ، انا كنت نقرا فالثانوية علوم تجريبية وبغيت نكمل فمجالي اللي متمكنة فيه اكثر من فضلك قوليلي على الإختصاصات العلمية بلى الهندسة (الكهربائية والميكانيكية والمدنية) وفالحقيقة اختصاصك حيرني ومكنتش علابالي بيه والله نكون ممنونة ليك لوكان تعطيني المعلومات هذو
|
أولا أنا لست صاحب الموضوع
لكن لا مانع إن أعطيتك نصيحة لعلها تفيدك
بما أننا ندرس نفس الشعبة و لكن أنا أدرس في السنة الثالثة أما أنت في السنة الثانية
فأنا قد اخترت تخصص هندسة مدنية و أظن أنها هي الأحسن من جميع الإختصاصات
فهذا التخصص يضمن لكي مستقبل زاهر رغم أنه صعب نوعا ما
إلا أنه تخصص رائع ولن تندمي أبدا إن اخترت هذا التخصص
وبالتوفيق لك في حياتك الدراسية
|
انا تاني حرت بزاف كي جيت ندير التخصص وحبيت هندسة مدنية بالصح بدلت رايي لقيتها ماتصلحليش انا كفتاة لانو كيما راك تعرف الفتاة في مجتمعنا ماتقدرش تخدم فالطرقات وتتابع المشاريع و…….. راك تعرف
|
ممكن كي تكوني هنا تصلي بيا عن طريق الرسائل الخاصة ونفهمك مليح على الاختصاصات الموجودة ونحاول نجاوبلك على استفساراتك
ماتنسايش راني نستناك :biggrin:
صح انا منيش حابة هندسة مدنية وكهربائية على خاطر تليق للرجالة انا حابة اختصاص يليق بالمرأة واختصاصك حيرني وعجبني بزااااااااف
قوليلي كي تتخرجي ان شاء الله واش راح تخدمي ، واش هما الإختصاصات لخرين
شكرا ليك واسمحيلي إذا طولت عليك
|
كاشما احتجتي خليلي هنا ونرد على استفساراتك حول التخصص ان شاء الله
انا قريت علوم وتقنيات وهيا فيها 4 تخصات يعني هندسات هههههه
هندسة مدنية génie civile
وهندسة كهربائية génies électrique
وتاني هندسة ميكانيكية génie méquanique
وهندسة طرائق génie des procédés
هادو هوما
انا الحق خممت مليح وسقسيت بزاف هوما كاااااااااااااامل ملاح والله وشفت ميولي وقدراتي لقيت انو الهندسة الميكانيكية والمدينية يصلحو اكتر للرجالة
وتاني كهربائية كيف تاني صعيبة بزاف قالولي متشنشفين فيها بقاتلي اللخرة هندسة طرائق الحق انا ماكنتش نسمع بيها وماعجبنيش اسمها كنت حاطتها ماعرف واش كاش طعزات ههههههههههه
بالصح كي سقسيت واشي هيا لقيتها كيمياء والاسم برك مبدل
وفيها تخصص هندسة كيميائية ويخدمو فالبترول والحوايج هادوك ماشابه
وتاني بيئة وتخدمي في المخابر تاع التنقية تاع المياه وتخدمي في المصانع وراكي تعرفي تاني كلشي من هاد القبيل ….
واللخرة الي درتها انا هي هندسة صيدلانية génie pharmaceutique ونخدمو في صناعة الادوية وتاني في المخابر تاع الادوية وكل شيء متعلق بالدواء وتاني فالمستشفيات في الصيدليات ……
والحاجة المشتركة بين هادو التخصصات انك تقدري تخدمي في اي بلاصة على اساس انك قبل كل شيء راكي تخصص كيمياء بغض النظر عن التخصص الي راكي مدايرتو فيها يعني وين تلقاي تخلاط تقدري تطوني في المصانع بانواعها في المخابر بانواعها في سوناطراك سونالغاز و…….. بزااااااااااااف واش نحكي وواش نخلي راني كتبت حتى شبعت عييت :biggrin::biggrin:
نتمنى نكون فدتك ولو شوية برك واعطيتك صورة
ربي ينجحك ويعطيك ما تتمناي