وجدت اخيرا الطريقة المناسبة………
اولا طيبي الحلاوة كوب سكر + نصف كوب ماء + نصف ليمونة + قليلا من الشبة
نقطع قطع من القماش مستطيلات و نخليه بجيهة
ناخد 2 مغارف كبار ماء الورد + 2 ماء + 1 مايزينة
نحطهم على النار حتى يبداو يتقالو نطفي و نخليهم يبردو
ادا تعرفي نبات السعد حنا هنا نقولولو تارة تجيبيه من عند العطار حوالي 50 غ
دشدشيه في المهراز و ديريه في نص لتر ماء و تخليه يغلي حتى يولي الماء غير شوي
باش تبدي ازالة الشعر لازم تشربي اسبرين و لا مخفف الالم نص ساعة قبل
تغسلي المنطقة جيدا بصابون مطهر منعا لظهور حكة او حبوب بسبب الجراثيم
تنشفي تدهني زيت القرنفل خصوصا فوق الشفة او الابط لانو يخفف الالم مليح
و ما تخافيش كي يحرق شوي بعد 5 دقايق تمسحيه بقطنة وتطلي الحلاوة
مع نمو الشعر و تحطي فوقها قطعة قماش و تطغطي مليح و تنزعي عكس نمو الشعر
و بعدها مباشرة تحطي مايزينة للي طيبتيها و بردت راهي تبرد التهيج و الاحمرار
و تعطي بياض و نعومة و تكملي المناطق للي عندك تريحي ساعة و تدهني
ماء السعد للي طيبتيه و كرري دهن الماء صباح و عشية لمدة 6 ايام
للامانة انا استعملتو لرجليا فقط و جاب نتيجة هايلة
هادي طريقتي للي راني مرتاحة فيها نتمنى تستافيدو منها
واشقصة نبات السعد هذا واش اسموا بالدارجة
و كيفاه مداير
أعطيه الصحة أختي على النصيحة
و زيد واش عمل زيت القرنفل … يعني استعمالاتوا غير بعد نزع الشعر
ان شائ الله نستفادو منها جميعا
شكرا عزيزتي لاتحرمينا من جديدك
|
تلقايه يتباع عند العطار على شكل عشبة
او يجي على شكل زيت
اسمو بالدارجة هو نفسو نبات السعد
|
لا شكر على واجب اختي منال
و تارة هي نبات السعد درك نحط الصورة نتاعو
|
اهلا بيك الاخت طيور الجنة
نبات السعد سمعت عليه من الدكتور عبد الباسط طبيب اعشاب في واحد القناة
و من هاداك العام و انا نسول و ندور حتى في القرى و الدشر حتى لقيتو هو تارة
غير قولي للعشاب يعطيك 50 غ تارة راح يعطيهالك و هادي صورتو غير درك شريتو
و زيت القرنفل ديريه قبل لا تنزعي الشعر لانو يخفف من الالم كيما المخدر
وانا فادني في مشكلة الالم و هادي صورتو
|
شكرا عزيزتي ساندريلا على التشجيع
و ان شاء الله ننقل تجاربي للاخوات باش يستفيدو
|
الشكر ليك يا الغالية