المقادير
5بيضات
كاس سكر
ثلاث ارباع الكاس زيت
نصف كاس حليب +ربع كاس ناسكافي ثقيل او قهوة ثقيلة جدا
كاس ونصف فرينة
3 ملاعق مايزينة
2 ملاعق كاكاو بني غامق
1 خميرة الحلوى+قرصة ملح
للتزيين
200غ بودرة الشانتيي
كاس ونصف حليب بارد جدا
100غ شكولا منى السوداء
قلوب من الشكولا قطعتهم بمول نتاع حديد على شكل قلب
اولا تضربي البيض مع السكر جيدا بالباتور حتى يبياض الخليط تقريبا 3د تزيدي الزيت وتكملي الخلط تزيدي الحليب والناسكافي وتخلطي
تزيدي فوقهم الفرينة والكاكاو والخميرة والملح اللي تكوني غربلتيهم مرتين وتخلطي مليح حتى تتحصلي على خليط شوية خفيف
دخليه لفرن مسخن مسبقا على درجة 180 حتى تطيب واغرسي سكين في الوسط ادا خرج ناشف راهي طابت
في هاذ الوقت خلطي الشانتيي مع الحليب البارد جدا وضربي بالباتور حتى تولي كريمة ثقيلة
نحي ربع الكريمة خليه على جنب والباقي زيديلو 100غ شكولا سوداء دايبة ودافية ماشي سخونة وخلطي ادا جاك اللون البني شويه فاتح زيدي ملعقة كاكاو
كي تخرجي الجينواز من الفرن خليها تبرد مليح وبواسطة سكين قطعي من الجوانب الاربعة 1سم من الجينواز وفتتيها مليح وخليها على جنب للتزيين ثم اقسمي الجينواز على 2
حطي الجزء الاول وفرغي فوقو الكرام شانتيي البيضاء ومشيها فوقو بالسباتولا
حطي فوقها النصف الثاني وغلفي الكل بكريمة الشوكولا من الوجه الى الجوانب
بوسطة الكيس الحلواني اعملي وردات من الكريمة فوق الكيكة وزيني حسب الصورة والفتات اللي خليتيه من قبل زيني بيه وجه الكيكة وفي الوسط حطي قلوب الشوكولا
هنا كي قسمتها على 2
وهاذا ليكم لازم تدوقو من كيكة عيد ميلاد لانو ذوقها فعلا روعة وانا بصراحة من عشاق الشوكولا
قولولي واش رايكم عجبتكم ولا لا
راني تعبت وانا نصور فيها 
عيد ميلاد سعيد ولعقوبة ل 100 سنة و تحقيق احلى الاماني
|
السلام عليكم
اختي راني حملت كل الصور عاودي شوفي لانها تظهر
شكرا اختي العزيزة ربي يحفضك
برك اختي لو سمحتي حاولي تصغري الصور
احيانا الحجم الكبير للصور هو اللي يخلي الصور لا تظهر
الطريقة ساهلة بزاف ادخلي هذا الموضوع تلقاي طريقة تصغيير الصور
مثبــت: كيفية تصغير حجم الصور والكتابة عليها بدون برامج
|
حاضر يا اختي العزيزة
|
الله يسلمك اختي العزيزة شكرا على المرور
هايلة الطارطة
شكرا لكِ
يعطيك الصحة
تحيآتي…
|
شكرا اختي العزيزة