ان شاء الله راكم لاباس كامل سيدات المنتدى
حبيت نطرح هاد الموضوع "بكل صراحة وكل وحدة تدخل لاتبخل علينا بمساهمتها
طبعا الحياة الزوجية او ككل لاتخلوا من المشاكل مرة عسل ومرة بصل والحمد لله على كل حال
وكل وحدة فينا طبعا عندها اشياء تحبها في زوجها واشياء تكرها
ملخص الموضوع
_ماهي الاشياء لي تحبيها في زوجك؟
_واش هيا الاشياء لي تكرهيها في زوجك؟
_وهل علاقتك مع اهل زوجك مليحة؟
_ماهو انطباعك عنهم اول مادخلتي بيتهم ؟
كيما يقولو الصراحة راحة
أرجو التفاعل ولا تبخلو علينا بآرائكم 
دمتن بخير 
_ماهي الاشياء لي تحبيها في زوجك؟
طيبة قلبو كريم معي هادئ في اغلب الاحيان
_واش هيا الاشياء لي تكرهيها في زوجك؟
اخخخخ مهمل يعني انا نخدم فالبيت منا وهو يخرب منا[/
_وهل علاقتك مع اهل زوجك مليحة؟
الحمد لله لاباس وربي يدومها ماسمعت منهم غير الخير شيخي الله يرحمو وعجوزتي ماشاء الله ربي يحفظها واللوسات تاني الله يبارك الحمد لله ماشفت منهم غير الخير
_ماهو انطباعك عنهم اول مادخلتي بيتهم ؟
مزال مدخلتش بيتهم خاطر يعيشو في دولة اخرى ان شاء الله كي اليوم ونزورهم
نتشد ليك مينة والله يمكن لأنك على إسم بنتي
ياسمينة أناديها مينة
سأكون أول المشاركات في موضوعك مينة
لي عودة
مانيش مطولة 
|
الله يسلمك ام
مينة ربي يحفظهالك الموضوع موضوعك ارواحي واعطينا رايك في ابو ياسمينة الحلوة
من صورتها تهبل ماشاء الله ربي يخليهالك
|
|
يعطيك الصحة على التفاعل ام مينة وربي يخليك ابو مينة وكل عزيز عليك ويديم المحبة عليكم
حنين و كريم و يعاوني في الدار و في الدراري
_واش هيا الاشياء لي تكرهيها في زوجك؟
ماحبش يحبس التدخين
_وهل علاقتك مع اهل زوجك مليحة؟
عادي مايعاملونيش كيما بنتهم بصح مايكرهونيش و المشاكل ماوصلناش لحاجة كبيرة بصح الهدرة فيها فيها
_ماهو انطباعك عنهم اول مادخلتي بيتهم ؟
بقيت عندهم سمانة نقول الحمد لله بسكو كنت جديدة
|
يعطيك الصحة ام الحلوين على التفاعل ان شاء الله ربي يهديه ويبطل التدخين راه كيما راجلي نقص منو بصح ماشي كامل ربي يهديهم
كيما قلتي الهدرة فيها فيها تديري واش تديري المهم الحمد لله على كل حال ربي يهنيكم
الحاجة اللي تعجبني انو حنين و ما يبخلش عليا ماديا و معنويا
الحاجة اللي ما تعجبنيش انو الناس يستغلوه و هو حاسب يحبوه و ما يفيقش
اهل زوجي كرهت الزواج بسبتهم اللي تعطيهم الكلام يحبوها و اللي تحترمهم دايرينها خدامة كيفي
في الاول كانو يلعبوها العئلة المثالية بصح غي يامات و بداو يبانو على حقيقتهم
|
ماراكيش حالة استثنائية الناس هكا الا من رحم ربي بالعكس لي تبينلهم العين الحمرا يخافوها ولي تكون معاهم مليحة يحسبوها بهلولة 
انتي المهم الراجل مليح معاك والباقي عامليهم معاملة حسنة وربي يجازي كل واحد
شكرا لتفاعل في موضوعي