تختلف طريقة صنع البغرير من سيدة الى اخرى وقبل كان البغرير صعيب كاين الي يخرجلها وكاين الي تفشل فيه وعلى حساب نوعية السميد وبعض الخطوات الكثيرة لازم يخمر مليح لازم سميد مليح لازم يتصفى في كسكاس ولا زم وقت يرتاح لكن الان والحمد لله ودعنا هاد الامور كلها واصبحنا في وقت قصير نوجدو البغرير وبالنسبة للمبتدءات فيه اكثر حاجة تهمهم هي كمية الماء لانو البغرير معروف ادا زدت الماء يتعجن وادا نقصتي يلصق في المقلاة بالمختصر هو من الوصفات المدللة اليوم حبيبتي نقترح عليك هاد الطريقة الناجحة والمجربة والبسيطة وبالمقادير المضبوطة تابعي
المقادير تخرج ليك 12 حبة
الكاس الي نعبرو بيه هو قوطي عسل صغير
المقادير وطريقة التحضير
كاس سميد رقيق وكاس فرينة وواحدة خميرة حلوى وقرصة ملح
2 ملاعق صغار خميرة خبز
نضيفو 3كيسان ماء دافيء
نخلطو بالخلاط الكهربائي
نضيف الخميرة وكيس الخميرة
نستمر في الخلط حتى تتجاس المواد
يكون هكدا قبل التخمير
وهدا بعد التخمير
الان نسخنو مقلاة التيفال لانها ثقيلة ونرفدو بواسطة مفرف تسقية او الكابشة او المغرفة وتابعي الخطوات بالصور
طبعا دوبي العسل والزبدة واسقي الحبات وبالصحة والهناء
للامانة هاد البغرير دارته اختي وهادي هي الطريقة الي نعتمدوها في دارنا يجيك خفيف ومثقب
ملاحظة / نعرف ان الكثيرات يعرفو الطريقة ولكن هدا منتدى وفيه مبتدئات تحياتي
يعطيك الصحة على الشرح المفصل وطريقة سهلة جداااا
خرجلك هاااايل 
شكرا اختي اميرة
يكتر خيرك
يعطيك الصحة والعافية حبيبتي بغرير وعليه الكلام
شكرا حبيبتي
جربيه وعطيني رايك
يعطيك الصحة حبيبتي و زيد البغرير جاك مشاء الله مثقو و كل حبة قد اختها
ya3tik essaha choukrane laki
يعطيك الصحة
هايل يعطيك الصحة انتي و اختك
و صح بكري زعما انا كنت زايدة بكري هههههه المهم يقولو البغرير يخرج على حساب الانسان لي يطيبوهلو اذا منحوس مايخرجش مليح و اذا وجهو تاع ربح يخرج البغرير مليح .
و صح بكري زعما انا كنت زايدة بكري هههههه المهم يقولو البغرير يخرج على حساب الانسان لي يطيبوهلو اذا منحوس مايخرجش مليح و اذا وجهو تاع ربح يخرج البغرير مليح .
|
احنا هكدا نديروه
جربيه و شوفي ادا
يخرج اك كيما انا