في نهاية هذا الاسبوع قمنا بزيارة لحبابنا في مسيله
ودارولنا البطوط لي هو عبارعن اكله تقليديه جد مشهوره عندهم وماكاناش لي ميحبهاش
وسر بنتها في المهراس التقليدي المصنوع من خشب
لي هو هذا
المقادير والطريقه
تجيبي الدقيق والماء والملح
وديري عجينة كسرا وتخبزيها وطيبيها على طاجين حديد
تجيك هكا
وهي سخونه تقسميها وديريهافي طرشونا وفتيها بين يديك مليح
وتخدمي لاصوص
تشوي الفلفل الحار والطماطم والثوم على النار وتقشريهم وتلوحيهم في هذاك المهراس
وتزيديلهم الملح ودقدقيهم مليح حتا يولو صوص واذا جاتك ناشفه غلي الماء وضيفيلها شوي
وتنقسي نصف الكميه من المهراس كيما هكا
وتضيفي للكميه لبقات الكسرة المفتته
تدقدقيها مع لاصوص لي فيه وتزيدي بشوي كسرا ولاصوص حتى تكملي الكميه لي عندك
وتضيفيلها المعدنوس مقطع من فوق والا حتى تخلطيه
وفي الاخير البنه مانحكيلكمش عليها والحاااار
يما يخليكم تفورو 
وزيد تتكل في المهراس وتجي كيما هكا
صدقوني انا اول مره ناكلها 
وعييت نشبعها
ههههههههه
ذقتها مرة برك
ياك هدا هو الزفيطي ولا راني غالطة؟؟
بصحتكم
يسلم دوك اليدين
|
الله يسلمك حببتي
يقولول زفيطي والله ماني عارفه 
شكراااا لردك
ولكل واحد وطريقتو كيفاه يخدمو
بصح بنتو امممممم واش نقول
ماكانش واحد براني يجي عندنا للمسيلة وما ياكلوش
بصحتك لاليشكا ولعقوبة للباقيات
بنتوو هااايلة و يعني ماكانش لي مايحبووش مي شوي الطريقة مختلفة على كفاش حنا نطيبوه …. 
شهيتييينااا
حنا نسموه الزفيطــــي
بصحتكــــم
شكرا رايحة نجربها بصح حتى نشري مهراز هههههه
+تقييم