اليوم رجعت ليكم بوصفة من تجاربي الخاصة و اللي هي البريوش
نخليكم مع المقادير
750 غ فرينة
معلقة كبيرة و نص خميرة فورية
معلقة كبيرة و نص سكر
معلقة كبيرة و نص لحظة
ملح
نص معلقة زبدة
نص فنجان قهوة زيت
ماء دافئ
نخلط جميع المكونات ماعدا الزيت و الماء و نعجن مليح بإضافة الماء لغاية ما نتحصل على عجينة رطبة هنا نضيفلها كمية الزيت و نعجن في الأول راح تحسيها تتفتت من إيديك بصح تبقي تعجني لغاية ما يصبح سطحها ملمسه ناعم
نحطها في حاجة واسعة و تكون مدهونة بشوية زيت و نغطيها و ما ننساش ندهن الغطاء أيضا من الداخل و نتركها تتخمر
بعد ما يتضاعف حجمها نقسمها لثمانية قرص و نكورهم و نحطهم في صينية مرشوشة بالفرينة و نخدم بالواحدة
نرش الطاولة عندنا بالفرينة و نحط القرصة الأولى و نفردها بالقراص و نلفها زي السويسرول و كي نكمل نقفل القفلة الأخيرة مليح و نحطها في الصينية و هكذا لغاية ما نكمل كل الكمية اللي عندنا
من بعد نجيب سكينة حادة أو موس حلاقة جديد و نعمل تلات خطوط في الوسط و نغطي العجينة عندنا و نتركها تتخمر مرة تانية
و من بعد ندهنها بالبيض مخلوط مع شوية قهوة و نرش من فوق بالجلجلان و السينوج و نحطها في الفور و هذا هو شكله
إن شاء الله وصفة اليوم تكون عجبتكم
إلى اللقاء
|
|
يعطيك الصحة خرجلك مشاء الله بصحتكم
ممكن تقوليلي هاد المقادير شحال دارتلك من حبة ؟؟