جبتلكم اليوم موضوع حصري
الفكرة تاعو بسيطة جدااااا
اي وحدة تصور لينا الاجهزة الكهرومنزلية عندها في الدار ولا شراتها جديد 
مع تحديد السعر المنطقة الاستعمال طبعا اذا كان في الامكان
وماتنساوش الاجهزة الكهرومنزلية والخاصة بالقسم ماشي السيشوار ووو 
سميت الموضوع بازار لانو كيما نعرفو البازار هو شغل مكان كبير للبيع و الشراء
سوا شيء واحد ولا اشياء مختلفة
المهم حبيت الفكرة تكون اننا نشاركوا بكل ماعندنا من اجهزة ونفيدوا بعضنا البعض
على الاقل نعرفوا سقف الاسعار 
ولي تكون ناوية تشري دير حساب ميزانية تاعها
بصراحة الموضوع كنت رايحة نديروا طاير وحدوا من بعد خممت قلت نديروا جماعي باه يشاركوني البنات الفحلات لي هنا 
يلا ماتحشمونيش وتفاعلوا معايا 
غسالة ملابس نوع كوندور cwt12 – pb 22 بلاستيكية
وتخدم مليح عندي من 3 سنين تقريبا الصوت تاعها مش عالي تغسل وتجفف
يعني نروح ننشر ديراكت حوالي 45 دقيقة يكون القش واجد وفي حدود ثلاث ساعات يكون القش مغسول ناشف ومحدد وفي الخزانة
شكلها
عن قرب
هنا تعصر
هنا تغسل
هنا كي تكمل نغطيها الحبيبة تاعي
نتمنى تشاركوني
المهم ادوات منزليه ميهمش اذا كبار او صغار
انا بورتابلي راح ومعاودتش شريت لانو عندي لقديم ابو كاميرا مكفوفة
درك يدخلو اولادي نبدا نصور
مشكوورة على الموضوع
بيترا كنوود شريتو 4 ملاين و700الف فيه لي ترحي اللحم والطاس
وهاذي اكسبريسو ماشي بالقهوة بودرة وانما بالكبسولات
شكرا ليك على التفاعل ونتمنى نشوفو اطلالتك لهنا
بصحتك هايلة لامارك kenwood غنية عن التعريف يدك التانية في الكوزينة هههه
و نستمر مع الغسالة
ماركة غسالتي : iris sat
الحمولة: 12 كلغ
الغسل بالماء البارد
و اذا كان الجو بارد جدا الافضل ماء فاتر
مزايا الغسالة:
تغسل الحوايج تري تري بيا
تعصر مليح
سلبيات الغسالة:
تكرفس الحوايج
و بعض الالبسة ننتفهم و تسارع في قدمهم قبل الوقت
كاين حوايج اصبحت مضطرة نديهم للدقريصاج
راني صابرة وقتاش تتكسر
باش نشري وحدة كما لكانت عندي ..باب واحد
تسلمي الهام على البزار الحلوووو
غسالتك مليحة مع انك حابتها تخسر خخخخ تعيشي وتكسري ههههه
بارك الله فيك