منقول
مقروط مقلي حصريا من مكتبي؟؟؟؟؟؟؟
كيف حالكم أخواتي حبيت نقدم وصفتي للمقروط المقلي ياريت تستفيد منها كل من لديها مشكل مع هذا النوع من الحلوى
كما ذكرت في العنوان قمت بتصوير المراحل في المكتب بواسطة كميرا الحاسوب لأنّ هاتفي النقال معطل (فكنت رايحة جاية من المطبخ إلى المكتب )
الوصفة سهلة أنصح من تريد تجربته تبدأ بكمية صغيرة
على بركة الله نبدأ المقادير
3كيلات سميد متوسط
1/2كيلة فرينة
كيلة سمن ذائبة وباردة
م ك سكر
ملح
ماء+ ماء الزهر
الحشو
تمر معجون
قرفة +قرنفل مطحونين +جنجلان
القليل من الزيت أو سمن لجمع التمر
أولا نوعية السميد ضرورية كما هو موضح في الصور شريت 10 كغ سميد متوسط (سفينة) أكيد مراحش نستعمل كامل السميد
هنا صيّرته بغربال الفرينة (هذا مايخفاش عليكم يالشاطرات)
أصبح عندي سميد متوسط للمقروط والجزء آخر سميد رطب خبيه لإستعمالات أخرى
هنا كيلت بهذه الغرفية (لاأنصح بها للمبتدئات هذه كمية كبيرة شوية)
الفرينة 1/2 كيلة
كيلة سمن ذائب وبارد
والطريقة موضحة في الصور
بسيه مليح وأتركيه ليلة كاملة يتشرب السمن
في الصباح قومي بوضع الماء والماء الزهر حتى تتحصلي على عجينة تستطيعي العمل بها
قومي بتغطيتها بكيس بلاستيكي أثناء العمل باه العجينة ماتنشفش
(نسيت نصورها)
تكوني حضرت من قبل الحشو
فوري التمر وغطيه بورق أبيض (لاتضعي غطاء معدني أو من الزجاج على التمر ضروري)
لما يفور ويصبح طري نضعه مباشرة في المقلة مع القرفة القرنفل والجنجلان وشوية سمن أو زيت
فوق نار هادئة جدا ونقلب حتى نحصل على عجينة تمر لينة سهلة الإستخدام(العملية تستغرق 5د)
نشكل حربوش من العجينة كما هوموضح في الصورة
نضع معجون التمر
الغرفية فيها شوية زيت لدهن طابع المقروط كل مرة عند الإستعمال (باش مايلصقش في العجين ويحافظ على شكله)
ليخرجوا الحبات متساوين وضعت بجانب العجين طابع آخر من حديد (كما هو موضح في الصورة) وقمت بالضغط عليها بالطابع الأزرق للحصول على نفس الإرتفاع تاع طابع الحديد (هكذا يكون كامل الحبات نفس العلو
أنظروا الحبات متساوية
أثناء العمل نقوم بتغطية الحبات الجاهزة بكيس بلاستيكي باه ماينشفش المقروط وهذه العملية ضرورية(خاصة إذا كانت الكمية كبيرة) وكنت وحدك
هذا الذي تبقى من العجين فغيّرت الشكل
بما أنّي لم أستطع التصوير من المطبخ صورتلكم المقلة الخاصة بالمقروط (عملية جدا)
هنا وضعت حبات المقروط في الشبكة (وهي باردة طبعا)
ونقوم بتسخين الزيت جيدا وعند وضع المقروط نقصولو شوية (نار متوسطة باه مايتحرقش)
بالنسبة لي عندما أريد وضع المجموعة الأولى نبقى ندخل ونخرج الحبات بالشبكة في الزيت لتعديل درجة حرارته 4او5 مرات ثم اضعه يتقلى
هنا بعد القلي
ومباشرة نعسلهم (نترك كل مجموعة تتشرب العسل جيّدا إلى حين تتقلى المجموعة التي بعدها)
أظن مفهوم لحد الآن؟
هنا بعد ماعسلناه
ونعاودو نعسلوه مرة ثانية في الغد
وهاو جاهز
أتمنى ان ينال إعجابكم ويفيد بعض الأخوات لي عندها مشكل مع المقروط المقلي
إضغط هنا لرؤية الصورة بحجمها الطبيعي.
|
