السلام عليكم ورحمة الله وبركاته
هذا مشوك درتو زمان و نشرتو في منتديات عديدة و استغربت كيف اني ما حطيتوش لاخواتي تاع اللمة لعزاز
المهم انا ليوم كنت ندور فلمنتديات و نشوف في مواضيعي القديمة
قلت نشارككم المشوك بالخطوات المصورة
ان شاء الله يعجبكم
اول شي المقادير
المقادير :
500غ دقيق
¼ كوب سكر
1 كيس فانيلا
250غ زبدة تكون ذائبة أو en pommade
4 صفار بيض / ونحتفظ بالابيض
كيس خميرة كيمياوية
كاوكاو مهرمش
في اناء خاص نضع السكر +الفانيلا + الزبدة +4 صفار البيض
"""" تقدرو تضيفو مبشور ليم انا استغنيت عليه""""
مهــــــــــم نخلطو باليد
حتى يتجانس
نضيف قليل من الفارينة و خميرة كيماوية
بعدها نحط كمية الفرينة اللي بقات
و نتحصل على العجينة
نشكل كرات
و دوك نخلط شوية بياض البيض تاع 4 حبات لي ستعملتهم في العجينة
-_- و بعدها في الكاو كاو ×_× سهيت عليه شوية راني عارفة راح تقولولي كون ما حمرتيهش لكن الطعم اروع
اييييه نحطوهم في الكاوكاو المهرمش
نحطوهم في الصينية لي تدخل الفرن
ما يطولوش بزاف بين 15 ل 20 دقيقة يكونو طايبين
__________
هاهوما كي خرجو
و نزينهم ب cerise معلب
و هذاااا الشكل النهائي
تبقّى بياض بيض و كاو كاو كاين اللي يروح يرمي بياض البيض -_- بس انا لا
الوالدة دايما تقول الضياعة ماشي مليحة فاااااااا قلت نجرب نعمل جاتو ثاني و بسيط و ما فيهمش بزاف صوالح
و اليكم ما فعلته بالخطوات احبائي
اتمنى ينال اعجابكم
ناخدو صفار بيضة 1 جانبا
و نحطو بياضها مع بياض البيض المتبقي من المشوك
نضيف 3 حبات بيض و كاس سكر و كيس فانيليا
نخلط مليح
نزيد زيت
نخلط
و نضيف الكاوكاو تاع المشــــوك و نخلط -_- نخلّط حتى نتخلّط ×_×
و بعدين يا حلوين فارينة و كيس خميرة كيماوية
و دوك نضيفو فرينة تدريجيا حتى تتلم و نقصمها على 2
و دوك نفردو العجينة و نقطعو باي شي قطاعة كاس -_- قطعو حتى براسكم ^_^
و نحطهم في الصينية لي تدخل الفرن
و دوك جاء دور صفار البيض
نضيفله قليل من الماء حتى ما يجينيش اللون غامق بعد ما يطيب + باه نقدر ندهن الكمية كلها
و دوك نجيب عود خشبي
و نبدا نرسم -_-
و هادو زوج اشكال ممكن ديروهم
هذا الشكل النهائي حمد لله كملت
و جزاك الله خيرا
خرجلك رائع و اكيد طعمو تاني رائع
تاكلوه بالصحة و العافية
حتى هدوك الكعيكات خرجولك هايلين
التبذير ما هوش مليح
شكرا على مروركن اخواتي عطرتم صفحتي بوجودكن 
جاوك هايلين
مشكووووووووورة
يعطيك الصحة .